هالموضوع بطرحه بلسان ربيعتي واتمنى تساعدونها
بنات انا انسانه متجردة من الاحاسيس ،، موول ما احس
مافي مشاعر ولا احساس ب ولا شي
من عقب العرس صابني ها الشي
احس اني غير باجي الحريم
قبل العرس ماكنت جيه
شو استوى بي احينه مادري
ماحس بريلي ،، لو دريت انه يخوني عادي اتم اضحك
ما يأثر فيني ولا ب شي
لو بيطلع مكان ويتم لفير الله عاااااااااادي ولا اقول له ليش وشو عندك
متى مايبغي يرد يدر متى مايبغي يطلع يطلع ويسوي اللي يبغيه
برووووووووووووووود مب طبيعي
نفس الشي عيالي
فارتهم فر ان صاحو عادي ما افز واخاف عليهم
مب مهتمه فيهم نفس اي ام
اتم اوقات اصيح ابا احس باحساس اي ام بس ماقددددددر
مب حاسه بحياتي
ماعرف شو فيني
يعني شوو السبببب ليش جججييييييه
مب شرات باجي الحريم
ابا اكون نفس الحريم اللي يغارن ع ريايلهن
ويحسون انه يبون يتملكونه
انا عاااادي ككككل شي عاااادي 
حد نفسي يحسس !!!
عشان يحط النقاط عالحروف وابدا حياتي من البدايه صح
لن هالمشكله موول مب طبيعيه
لنج فاقده احساسين مهمين بحياتج
احساس الزوجه
واحساس الامومه
اهني محد بيفيدج
حالتج يبالها شخص مختص
وعليج اولا واخيرا بالقران والدعاء
موفقه في حياتج
بس احس واايد شايفة بنات شراتج يعني باااردات اذا الياهل صاح او طاح ما يفزون ..احس عاادي مافيها شي اذا كان الموضوع بسييط ..
و اوقات في حبوب معبنة تسبب هالاحساس انتي كنتي تمشين ع علاج لشي معين؟؟
بصراحه احساسج غرييييب طبيعي تسالين ريلج وين سار وليش تاخر وتغارين والعيال بعد طبيعي تزعلين وتضايقين اذا ولدج بكى ولا تعبان انزين بسالج انتي هاملة عمرج ؟وكيف صلاتج ؟ ملتزمة ؟
ماقدر اساله
اولا لان هو اساسا قوي ومايحب ادخل ف اشيائه
وثانيا انا مايهمني ماحس ف قلبي شي يتحرك او حتى يحرقني ع ريلي !!!
وع الاهتمام الصراحه قبل العرس ١٠٠٪
بس عقب ماحملت وربيت وكله وراء بعض كرهت عمري
كل شي فيني غير
وع الصلاه والالتزام .. يعني الحمدالله اصلي وكل شي بس بعد مقصرة