اسأل الله العلي العظيم ان يرزقنا ما نرجوه من هذه الخلطة
وان يزيد وزننا بصحة وعافيه الى القدر الذي نشاءه
المهم
اعجبني موضوع للعضوه كفايه وقريته قبل فتره وهي مشاركة ويانا فهالقروب
وياليت تقرونه وتستفيدون
خطوة مهمه قبل استخدام اي خلطة او اي منتج للحصول على النتائج
https://forum.uaewomen.net/showthread.php?t=624304
المهم بنات اللي مشتريات الخلطة ياليت تشاركونا في هذا الموضوع ونتابع كيف زادت اوزانا باذن الله ونتخلى معا من النحافه واهوالها هههه
اتريا مشاركاتكم
ملاحظه : الخلطة شريناها من احدى تاجرات المنتدى يزاها الله خير , وما بنكتب الاسم لانه ممنوع بحجة الدعاية التجاريه
هاي تجربتين لبنات مب حابات احد يعرف نكاتهم ..لان عندهم قرايب ويانا يراقبون ..
قولن ما شاءالله اولا
انا الخلطه استخدمتها بتاريخ 23-9
واليوم 28-9
زادتني كيلو كنت 59-
واحين 60 كيلو
انا من قبل عندي قابليه للاكل واكل
وهالمره اشوف اكل دبل خخخ ماعرف هل من الخلطه
والا من شي ثاني؟
وان شاء الله اول باول بخبركم بوزني
وهذي التجربة الثانيه
أنا الحمدلله مجربة الخلطة وبانت علي النتيجة كان وزني 43 وصار 50 وما حبيت ازيد لاني قصيرة
والحمدلله افتكيت من تعليقات اهل ريلي ( ليش ما تاكلين ،، الريال يحب المتينة ،، فلان ما يقصر بالاكل فبيته… الخ )
وما حسيت انه لخبط لي شي كانت الدورة ملخبطة قبل لا استخدم الدوا لاني كنت قريب مربية والحين بدت الدورة تنتظم عندي
وإن شاء الله اكون افدت
ودعوة من خااطري
إن شاء الله تمتنون وتربربون وتفتكون من التعليقات اللي منكدة عليكم حياتكم
ونحن حابين موضوعنا يستمر ويستفيدون منه البنات
نبدا ونقول بسم الله
انا امسات بديت اخذ الخلطة
ما احس بشي .. يمكن مفعولها ايي بعدين ان شاءالله
وزني بين47 الى 48 واتمنى من كل قلبي انشاءالله ان اوصل الى 54 او 55 واذا في زياده ليش لا ماكسيمم الى 58 او 59
وان شاءالله هالخلطة ع كثر من قريت عنها انها تفيد .. مع اني م متفائله لكن الله يقدم اللي فيه الخير
واتريا ردود البنات
up
مافيها طعم .. يعني مستساغ
طعمها عادي
يعني مب نفس الخلطات اللي نسكر خشومها منها
بس ان شاءالله يكون مفعوله رائع