متضايقة من حركة ربيعه شو أسوي

شحالكم خواتي عساكم بخير بدخل في الموضوع على طول لأني صدق متضايقة وايد المهم البارحة كنت طالعة ويا ريلي نتشرى أغراض وكنا مستانسين وايد وفي الرده ترى هو كل يوم أو تقريباً يوم ورا يوم يسير إيلس مع ربعه في ميلس حد منهم ويتمون لين الصبح كل رمضان جذه وهذا الشئ من يوم ماتزوجنا وهو على هاالحال وأنا تعودت مب هاذي المشكله لأني شكثر حنيت عليه يودر إنه يسهر وياهم لين الصبح كان يعاند فيني ويطلع كل يوم وإذا كلمته بالزين يقول لي أنا طول السنه أداوم وماعندي إجازة إلا شهر رمضان أطلع وأستانس فيه ويا الربع ونحن مانسير مكان بس نيلس بيت فلان وفي وايد منهم متزوجين ويسهرون ويانا عادي وإنتي تعرفين هذا الشئ ومن هذا الكلام المهم نرجع للموضوع البارحة ونحنا رادين على الخط إتصل في واحد منهم ورد عليه جان يقوله ريلي ها وين إنت أضني هذاك قاله أنا ويا ربيعتي وشوي وجان يعطي الموبايل لربيعته علشان تكلم ريلي ماأدري ليش سوى جذه شو يعني ريلي يعرفها وإلا شو السالفة وهي أصلها فلبينية وأنا أسمع صوتها تسلم على هو تلون ويهه لأني موجودة وصوتها ينسمع بند عنهم جان ألتفت صوبه أسأله أقوله منو يكلمك يقول لي ربيعي أقوله ومنو بعد يقول ربيعه يجذب علي أقول له قول الصدق منو يقول لي ماأدري أضني واحد فلبيني أقول له كيف واحد هذا صوت وحدة وأتضارب وياه وهو ساكت مايرد بس يقولي أنا ماأدري هو قالي إنه وياربيعته وعقب عطاني إياها ماقالت شئ بس سلمت علي أنا عاد مت إنقهرت ليش هو الحيوان يسوي جذه وليش يعطيها الموبايل تكلمك وايد إتضايجت وتميت طول الوقت أحتشر عليه وهو ساكت وعقب سكت وإنتفخت وماأرمسه نزلني البيت وطلع وياهم وأنا أحترق أخاف شئ يستوي أخاف هذاك يخليه يرمسها وأخاف وأخاف وأنا بروحي شكاكة شو أسوي شوروا علي أنا ساكته وهو ساكت وأنا بصراحة مب عارفة أتصرف أرجع أفتح وياه الموضوع مرة ثانية وإلا شو أسوي شوروا علي يزاكم الله كل الخير وإذا طلع وسار عندهم أتصل فيه أشوف شو الوضع عنده وإلا شو أسوي

الله يهديه لج والله مب عارفه شو أقول

أنا من رايي …
تكلمينه في الموضوووع بكل هداوة وتعريفين السالفة من اولها لآخرها … وعقب تحكمين! يمكن ريلج ماله خص ف السالفة من الاساس !

والله كريم

المرء على دين خليله فلينظر أحدكم من يخالل هذا مو كلامي هذا حديث شريف ولا تعليق

والله بعض الشباب هم يخربون الريل ويهدمون حياته

الله يهديهم

الله يكون في عونج اختيه
وادعي ربج في الثلث الاخير انه يسخره لج
ولا تتسرعيين

تمي ساكته لين ما يراضيج
اسمعي مجرب
اذبحي الريال ولا اتسوينله طاف

بس يوم بيراضيج ارضي لانه اذا طولتي كل شي بيعتفس