انا حطيت كل الوصفات اللي طلبتوها من موضوعي وهذي الاخيرة
والمقاييس للاكواب والملاعق استخدم المعيارية نفس اللي تستخدمهم منال ,,,والوجبة لشخصين 
المقادير :
الارز:
1 ونص كوب ارز بسمتي
1 م ص زعفران ننقعه بشوي ماي ورد
لسق الدجاج:
دجاج فخذين كاملين كبار
1 حبة بصل احمر مقطع مكعبات
6 حبات مسمار
2 عود جرفة
10 حبات فلفل اسود صحيح
10 حبات هيل صحيح
1 حبة لومي يابس صحيح
4 اوراق غار
12 ملعقة صغيرة كركم
1 ونص م ص ملح
الحشو :
نص علبة صغيرة او علبة كاملة صغيرة نخي (حمص ) مطبوخ (انا استخدمت نص علبة نخي مطبوخ مضاف له الكمون خذته من كارفور )
3 م ك زيت
1 حبة كبيرة بصل مقطع مكعبات
2 ملعقة ص بزار ( او بهارات مشكلة )
1 م ص لومي يابس مطحون
12 م ص فلفل اسود
12 م ص ملح
الطريقة:
نغسل الارز عدل ,وننقعة بالماي المضاف اليه ملعقة ملح , لساعة او عده ساعات
نغسل الدياي عدل ونحطه بجدر واسع نضيف له الماي انا اضيف 5اكواب او 5 ونضيف المقادير المذكورة ب سلق الدجاج كلها ونخلطهم , ونخليه على نار متوسطة لين يستوي الدياي نص ساعة تقريبا
نطلع الدياي من المرق ونحطه بصحن على جنب , ونخلي المرق عشان نطبخ فيه الارز
نصفي الارز من الماي اللي نقعناه فيه
نييب جدر للارز , نسخن في شوية زيت , (انا احط مكعبين زبدة بدل الزيت ), ونظيف الارز ونقلبه شوي شوي بالزبدة وعقب نضيف ماي مرق الدياي ( انا اضيف 3 اكواب )بس اول شي اييب مشخله اصب المرق خالي بدون البصل والاشيا الثانية عشان ماتخرب علي القياس للماي , عقب ما صب 3 اكواب , اضيف البصل والاشيا اللي شخلتها للارز, واغطي الجدر بالقصدير , وبالغطا مال الجدر فوقه ,واخليه ربع ساعة لين يستوي على نار اعلى من الوسط بشوي, بس ارجع افتحه بعد مرور 10 دقايق واضيف ماي الورد مع الزعفران , عقب اغطيهم واتريه ال 5 دقايق ,
بالنسبة للحشو , من اسكر الجدر مال الارز . ابدا اطبخ الحشو
اضيف 3 ملعقة كبيرة زيت للطابج , واقليه فيه البصل ,اتم احركه لين يذبل وشوي يتغير لونه ,اضيف النخي , ومقادير الحشو كلها من بهارات وملح ولومي محطون وفلفل اسود ونقلبه عدل لين تختلط كل البهارات معع بعض , عقبها اضيف الدياي لهم عشان احمره شوي وياخذ من نكهة البهارات
وبس
يكون الارز خلص بعد الربع ساعة , والحشو خلص مع الديا
احط العيش بصحن التقديم واضيف له الحشو والدياي
وهنا وعافية
بس نسيتس السلطة والروب مع الخياار ههههههههه
تسلمييين حبوبتي
خخخخخخ انا بالزور اسوي الوجبة الاساسية ماعندي وقت اسوي اشيا ثانية
اوكي
الله يعافيج حبيبتي
روووووووووووووووووووووعة …
طباخة تبارك الرحمن ….