حبيت انزللكم طريقة محشي الورق والكوسا وان شاءالله بتستفيدو
المقادير
كمية من ورق الدوالي
كمية من الكوسا ويفضل ان تكون صغيرة او بين الصغيرة والمتوسطة
كاستين ونصف رز صن وايت منقوع ومغسول
لحمة مفرومة
حبة بندورة كبيرة مبروشة
فصين ثوم كبار مهروسين
ملعقة كبيرة وربع بهارات مشكلة
ملعقة كبيرة هيل مطحون
نصف ملعقة صغيرة فلفل اسود
ربع ملعقة صغيرة قرفة
ربع ملعقة صغيرة كمون
ملعقة كبيرة ونصف نعنع ناشف
مكعبة ماجي
ملح
زيت ذرة
الطريقة
ا(نا بحشي قبل بيوم وبحطها بالتلاجة وثاني يوم بطبخها على شان هيك بخلي اللحمة تستوي لانها بتجمع جراثيم اذا فك التجيد عنها وما انطبخت بوقتها[)
نضع كمية من الزيت وثم نضع اللحمة وبنقلبها حتى تستوي ثم نرفعها عن النارنضع عليها الثوم المهروس ومكعبة الماجي وبنقلبهم مع اللحمة حتى تذوب مكعبة الماجي
ثم نضع الرز وبرش البندورة وكافة البهارات والنعنع الناشف ونقلبهم جيدا حتى تخلط
ممكن نضع لحمة ريش او شقف او دجاج او خضار تحت المحشي كل واحد وذوقو انا حطيت خضار حطيت طبقة بندورة وطبقة بطاطا مقطعة دوائر خميلة شوي وجزر وبصل
ثم نحشي الكوسا اكثر من نصفها بشوي ونضعها فوق الخضار
نأتي لحشو الورق اولا اذا كان الورق طازج نغلي بالطنجرة ماء وبنسلق الورق مدة دقيقتين الى ثلاث دقائق
اما اذا كان معلب فقط اغسليه جيدا وانا بنصح بمنتج العلالي
اولا نفردالورقة هكذا
ثم نضع كمية من الحشوة ما بنكثر
ثم نغلق الورقة من اعلى هذا
ثم نغلق الاطراف هكذا
ارجو عدم الرد حتى اكتمال الموضوع
ثم نصفهم فوق الكوسا ونحاول ان لا تكون هناك فراغات بينها
نضع ماء مذوب به مكعبة ماجي وملح على المحشي يكون مستوى الماء على نفس مستوى ورق العنب
ثم نضع صحن كبير يغطي اكبر كمية من الورق ويجب ان يكون مصنوع من الزجاج وضعي فوقه ثقل انا بحط كمان صحنين فوق الصن الاول
ضعيها على النار العالية لمدة 10 الى 15 دقيقة ثم خففي النار تحتها وتأخذ على النار مدة ساعتين ونصف الى ثلاث ساعات وتقدم وبالهنا على قلبكم
ممكن تفرزي ورق العنب بتحطي باكياس وبتفرغي من الهواء وتقفلي باحكام وبتفرزي
بس الكوسا ما تفرزيها لانو بيتغير لونها وابتخرب بالطبيخ
واي سؤال انا بالخدمة ان شاءالله
اختكم توتو ام محمد
تسلم ايديك اختي
المشاركة الأصلية كتبت بواسطة هومر 
خلصت يا هومر زمااااااااااااااااااان بس انتي كنتي مستعجلة
بتعرفي لحد ما انزل الصور بدها شوية وقت
ان شاءالله بترجعي للموضوع وبتكملي
اسعدني مرورك حبيبتي
المشاركة الأصلية كتبت بواسطة روح الوفاء تسلمي يا قلبي انتي الاروع
اسعدني مرورك يا امر