بغيت أسأل عن مدرسة العالم الجديد شو رايكم فيها سواء في الكيجي أو في التأسيسي
وإذا في مدرسة أفضل جربتوها في ديره ياريت تخبروني وشو هي مميزاتها
الكبير صف ثاني منهج انجليزي . والصغير كي جي ون..
المدرسه زينه .. بس بشرط انتي تتابعين مع ولدج…
انا هالسنه ولدي روضه اوكي ومهملتنه ما ادرسه لأني مضغوطه والكبير منهجه واااايد مزحوم .. يعني يادوب بس احل الواجبات للصغير .. واركز عالكيبر…
وان شالله عالكي جي 2 بخليه في نفس المدرسه بس بركز وياه شوي..
المدرسه حلوه ونظيفه ويسوون نشاطات دايما لليهال واحلى شي حصة السباحه ..وشي حصص كراتيه للكبار..
انا بين فتره وفتره اسير اشوفهم من بعيد .. تعاملهم حلو مع الصغاريه .. ولما يسوون حفلات او يوم مفتوح يصورون فيديو ويعطون الاهالي سي ديات نشوف عيالنا فشو مشاركين ..
https://www.nwps.ae وهذا موقعهم عالنت
تقدرين تتابعين درجات اليهال.. وتطلعين الجداول الاسبوعيه (مع انهم يوزعون كل اسبوع جداول عن الاشياء اللي بياخذونهم طوال الاسبوع)
ويمدحون مدرسة كوين بعد . بس هذي اغلى من العالم الجديد
و الحلو متعاونيين كتير مع الطلاب