ابا ادخل ولدي كي جي 1
اوكي المدرسة من ناحية التعليم .. وتركيزهم ع شو اكثر وكيف النشاطات والرحلات .. والغياب والتشدد والواجبات ..
اتريا الردود …
و طبعا رحت المدرسة و زرتها و شفت كل شي فيها من الالف للياء و بعدين سجلتها
العام يوم كان عمرها ثلاث سنوات رحت مدرسة مردف بغيت اسجلها
كانت المدرسة نظيفة و المدرسات بشوشات و مبتسمات
بس ماقبلوها كان فل و ماشي مكان
فقلت خلاص بتوكل و بسجلها يوم تكمل اربع سنوات
بس سجلتها ف اكاديمية مزهر اللي حذال مردف الخاصه
دشي موقع هيئة المعرفة و اقري عن المدرسة اللي تبينها لين تقتنعين
بس نصيحة دوري مدرسة بسرعه قبل ما يوقفون التسجيل
بكلمج عن الروضة لانني بس روضة اولى و الثانية اخلي عيالي بالخاص
و عقب اطلعهم ..
ماحب يكملون بالانجليزي و ينسون العربي ..
اروع ما فيها المنهج .. التركيز 50 ..50 يعني فرضا يوم اللي يعلمون الطالب
تفاح بالعربي نفس اليوم يعلمونه apple بالانجليزي و بهالطريقة يترسخ بمخ الطفل
النشاطات الخارجية ينطمون رحلات الى الحديقة ( مشرف ) او كيدزينيا و ماشابه
و مرات يوم الجو حلو يودونهم الحديقة ليوم دراسي كامل
يعني يدرسون بالحديقة ( مشرف ان ما غيروا ) و الطاقم الدراسي بالكامل يروح
الواجبات معقولة مب مبالغة و بالغالب يسوون في المدرسة
الغياب متشددين و هالشئ لصالح الطالب
ان بتغيبين ولدج لازم تتصلين تبلغينهم و انا اشوف الامهات المفروض ما يتساهلون بهالامر
و امر الغياب و يقولون بعده بكي جي عادي يغيب
لااااا لازم ما نعود عيالنا ان الغياب شئ عادي لان يوم يكبرون ممكن عادي
يطلعون من المدرسة و يتحوطون بالمولات و يشوفون الغياب ما يأثر
اعرف طلعت خارج الموضوع و استفسارج غاليتي بس الكلام مب موجه لج
بل للكل ( عن الغياب )
بنتي دخلتها عندهم كي جي ١
ما شاء الله المدرسه ممتازه من كل النواحي وما عليها كلام
الاداره متعاونه جداً والمدرسات ما يقصرون
انشطتهم حلوه وفعالياتهم مرتبه
ما عندهم فوضى واهم شي عندهم النظام والالتزام بالقوانين
مرتاحه للمدرسه واذا الله راد بخليها الين الابتدائيه عندهم
ثانكس خواتي ع الردود