مدرسة ويس جرين الخاصه في الشارقه

بغيت اعرف اذا في حد منكم عنده عيال يدرسون في هاي المدرسه؟
ابغي اعرف شو رايكم في المنهج و طريقة الامتحانات؟
بصراحه انا عندي فيها ولد في الصف الخامس و بنت في kg2 و الحمد لله هم مستواهم ممتاز و لله الحمد بس انا متضايقه من كثر الواجبات و بصراحه منهجهم وايد صعب و امتحاناتهم بعد وايد صعبه.
كل حد يقولي المدرسه ممتازه و تأسيسها ممتاز و حرام تطلعين عيالج منها بس انا تعبت من صعوبة المنهج يعني لازم تتابعين عيالج يوميا و ايام الامتحانات تكون عدنا حالة استنفار في البيت وولدي وايد يغمضني لأن كل يوم يكون عنده امتحانين في نفس اليوم و المواد وايد دسمه.
الله يخليكم ساعدوني و ياريت اللي عنهم تجربه مع ويس جرين يفيدوني.
وبغيت اسأل عن مدرسة فيكتوريا الاستراليه اللي عند مركز التعاون, هل زينه و الا لا؟ ياريت اللي جربو هاي المدرسه يفيدونا.
وجزاكم الله الف خير.

اختي الصراحه عيال عموتي كانوا فيها من 3 سنين

بس عموتي طلعتهم لهذا السبب و لانه ادارتهم كانت مب اوكي

بس الحين ما ادري

الي اسمعه انها اوكي بس صوعبه منهجها

و سمعت من عموتي انه مدرسينها الي من 3 سنين (ما اعرف لو بعدهم) كانوا مب اوكي

هذا الي اعرفه

انا بعد قاعدة اتشاور بين هالمدرسه ومدرسة الابداع العلمي الي عنده فكره يساعدنا ؟ واذا في مدرسه احسن منهن قلولنا بليييييييز ؟

انا بنتي تدرس في مدرسة المروج الخاصة
الحمدلله للحين انا مرتاحه
شنطة الواجبات تي بالخميس
ونآخذ راحتنا فيها ليوم السبت وترجعها بالاحد
و واجباتهم بسيطه الحمدلله
وطبعا هيه في كيجي ون وكتأسيس انا اشوفهم اوكيه ومرتاحه منهم

مشكورات خواتي
بصراحه انا ما ابا ابهدل عيالي و اتم اغير المدارس
الجو العام للمدرسه وايد مريح بس ما ادري
والله محتاره
شو رايكم في المدرسه الامريكيه؟