مركز للعناية بالشعر .

السلام عليكم ورحمة الله -تعالى- وبركاته…
مبارك عليكم شهر الرحمة والغفران ينعاد علينا وعليكم سنين مديدة ونحن في أتم الصحة والعافية… قولوا آمين..

عسى الكل بخير…

أنا فيني صلع مب طبيعي أبدا… فيالسة أدور على مراكز أو عيادات مضمونة لهالشي في بوظبي… لأن الصلع اللي فيني ملحوظ ويخوف الصراحة والتساقط اللي أعاني منه يخوف أكثر وأكثر… اللي جربت علاجات ممتازة في مراكز مصمونة تخبرني …

وأنا سمعت عن المركز الألماني للعناية بالشعر…
منو جربت علاجهم وبكم يعالجون؟؟؟

بنات بليز أنا على ويه عرس… وشعري مدمر عالآخر… لدرجة إن أي حد لما يشوفني يشوفون راسي من كثر الشي ملحوظ… ساعدوني يزاكم الله خير…

أختي مسوية فصالون الأوروبي وتقول إن شغلهم حلو والنتيجة عاجبتها

مشكورة إختي ظبيانية فدمي…
بس كم تكاليفهم ومتى النتيجة تبين؟؟
لأن أحس إن شعري بياخذ وقت طويل..
تخيلي أمس رحت صالون عند أخصائية شعر..
قالت إن فروة راسي وايد تعبانة وشعري من كثر ما هو ضعيف مستوي نفس شعر الأطفال من خفته وضعفه… أنا وايد متضايقة من هالموضوع… بس علاج هالصالون ما تشجعت له عشان جي ما بسوي معاهم… أنا أبي شي ينبت لي الشعر وايد تعبت…

للاسف اختي ماعرف ان شاءالله خواتي يفيدونج ،،

سوي تحليل دم يمكن انيميا
يمدحون بالثوم واايد افركي جلدة راسج بحبه مقسومه نصفين
لا تفرمين الثوم يلصق بالشعر
بس بتمين في البيت لان المشكله ريحته صعبه

مشكورة إختي أم فهودي90..
مشكورة إختي مونتاج..
بس وايد صعب علي أحط ثوم…
أنا مجربة من قبل وما قدرت أتحمل ريحته..
وفوق هذا الريحة تعلق أسبوع…
فوقفت العلاج لأن الثوم فظيع…..
وأنا الحمد لله ما عندي فقر دم ولا نقص فيتامينات…
أنا أبي علاج بس ما يكون زيوت.. ولا إبر… لأن الإبر لازم أداوم عليها يعني شي مستمر حتى لو قل بعدين…