مسألـــت حيــــأة ولا مـــــوت ,, الجزء الاخير ,, نهايتي معاه"فلم هندي"

وكنسلت سيارة اختي ,, وشميت ريحت حرااق قلت السياره بتحترق ,, نزلت وانا ارتجف

وانادي على بنتي واختي وولد اخوي ,, الحمدلله انه مايانا شي , وانا من الرجفه طحت ع الارض مب

قادره اشل عمري ,, واتوهقت ماعرفت شوو اسوي ,, اتذكرت تلفوني طلعته واول رقم عندي دقيت عليه

وكانت ربيعتي خبرتها بالحادث وانا وين فيه ,, بس الصدمه انه اول سياره وقفت عندنا كانت لقرايبينا

يلي كنت ماره اشووف بيتهم والصدمه انه يلي نزل الجامه طلع ريلي بالاول مابغو يوقفون السياره عبالهم

بنات مغرزين ,, بس يوم شاف بنته انصدم ويا بسرعه شلها وتم يسالني ماياكم شي وانا كم مره محذرج ماتسووقين وانتي ماتسمعين الكلام ,,

المهم انا ماقدرت حتى اتكلم ,, كل يلي بالبيت عرف بالحادث وشلوني وودوني بيت اخوي ,, ولا العله

ليسني بعد منتهي ,, المهم الحادث كله طااح على راس ريلي قال للشرطه انه هو سوا الحادث مش انا ,, انا

خلاااااااااص كنت منتهيه عقب اخوي يا البيت يكلمني وتم يلومني ليش رحت هناك والله انا ماكنت ابي

اتجسس عليه بس هو يلي وصلني لهاي المرحله ,, المهم ريلي راح بيت ابوي واتصلو فيه اروح هناك

الصراحه خفت اني اروح بروحي خليت اخوي وحرمته ايون معاي ,, ويوم وصلنا ويلسنا فتحوو

الموضوع وريلي معصب ,, اخوي قال لنا شوو بينكم ليش هالمشاكل والزعل المهم انا وريلي بيدنا

بالكلام وتمينه نتضارب جدامهم ,, اخوي يوم طفر قال الصراحه مشاكلكم تافه بنظري اشياء بسيطه

تقدرون اتحلونها بينكم ليش كل ها ,, قلت لاخوي لو هو بيسمعني بيعرف بخاطري هاك الوقت انا بكون

غلطانه لو تكلمت بس للاسف هو مايعطيني مجال اكلمه يجبرني ادخل حد ,,,وصلنا انه خلاااااااص يبي

ينفصل عني ,, اخوي ماعيبه شله وطلع برع يكلمه بروحهم ,, عقب ماردوو قالو يافلانه القرار بايدج

هذا ريال صبر عليج وايد وتحملج مافيه صبر اكثر عن جي ,, لو انتي قادره تتحملين معاه ردي لو انتي

مب قادره ها قرارج بيكون طبعا قالوها لي عسبت اني اخاف ,, وعقبها تموو ينصحونا انا اعرف انه

اخوي قاله كل يلي بخاطري وشوو يلي انا ابيه ,, وريلي حلفني انه شوما يصير من بينا مادخلين اهلج

شوو ماكان ,, حسيت اني مظلومه بس مانسيت انه ربي موجود لو لي حق بياخذه منه ومن اهله ,,

عقب ماخلصنا واتراضينا ريلي راح عند اختي وتم يلومها انه ليش عطتني السياره واني انا عنيده

وماسمع كلام حد ,, البارحه عشت ماساة وعمري مابنساها ,, وشي ثاني قال لاهلي انه لو غلطه ثانيه

بتردين انتي وورقتج ,, بس يلي يصبرني عليج بنتي اما انتي ماتهميني ,, خواتي شو رو عليه اناا برد

معاه بس كيف اغير من معاملتي له ,, بالنسبه لاهله انا امه على عيني وراسي اما اخته فلساني

مابيطح على لسانها بما انها هيه ساس المشاكل ووالفتنه بيني وبين ريلي ,, وعلى فكره عرسها بيكون

شهر عشره صح انها سوتلي كل هالمشاكل بس بعدها ماجربت ماقول غير حسبي الله ونعم الوكيل فيها

عسى ربي مايوفقها بحياتها خربت بيني وبين اخوها ربي كبير وهو ناسيه انه ربها كبير ,, خواتي

نصيحتكم ثم نصيحتكم ,, انا خلاص بصبر على كل شي لو فكرت اني اشتكي بشتكي لانفسي لو حسيت