ما كان ودي بالزعل بـس خلّيت
قلبي يبيعـك لـو تمكنـت فينـي
صبرت لجلك وانت طولت ما جيت
خلاص روحي ابعـدي.. اتركينـي
حبك رميته تحت (الاقدام) وأقفيـت
عند المكان اللي أجيـك وتجينـي
لاعاد تسأل ليه أنا أبعدت وأبطيت
ما عـاد ودّي بالهـوى والحنينـي
كتبت أول بيـت بجدارهـم ليـت
مره وقالـت يا عـذاب السنينـي
(محمد) أقفى ليتني معه ما أخطيـت
وش بس أسوي ليه ربـي يعينـي
مريت بعد اللي كتبته على البيـت
لقيتهـا بجـدارهـم تحتريـنـي
ناظرت ثم قالت: (محمد) وصديـت
قالت: علامك.. قلت: وش تطلبيني
قالت أحبك) قلت: من يوم زلّيت
ما ني مصدّق لـو حلفتـي يمينـي
يا ما على جرحي حبيبي تسلّيـت
وينك وويني بس وينـك ووينـي
في حبنـا يامـا عليّه تماديـت
غيري تبي تلقى مـن المسلمينـي
ملّيت روحي ابعدي منـك ملّيت
طفشتني حسبي علـى الظالمينـي
أقفيت عنها وليتني صدق ما أقفيـت
(ماتت) وهي بجدارهم تحتريني
عزّيت أهلها جيت معهم وصلّيت
دفنتها والدمع فـي وسـط عينـي
دامك على شاني حبيبـي توفّيت
مسامحك وانتي بعـد سامحينـي
منقوله
دفنتها والدمع فـي وسـط عينـي
دامك على شاني حبيبـي توفّيت
مسامحك وانتي بعـد سامحينـي
مشكوره نقله رائعه الله يحفظ قايلها
تسلمين اختيه ع النقل
عند المكان اللي أجيـك وتجينـي
مشكورره كلمات رائعه
والله يعطيكم العافيه.
تسلمين اختيه ع النقل