مستشفى صقر و الولادة الثانية

هلا بنات راك
بغيت اسالكم .. احم،، انا قبل ربيت ف صقر،، و الحين كيف ترتيب الملف؟ اسير افتح ملف و لا شو السالفة؟ لاني مابا اراجع وياهم من الزحمة،، اراجع فالخاص،، اللي تعرف تفيدني

افضل شي انج تتصلين لهم
خذي الرقم من البداله و استفسري و بعطوج الجواب الشافي

بس بشكل عام انا اللي اعرفه ان بكل حمل يفتح ملف !! مع اني بكريه بس اسمع اللي اعرفهم انهم يسيرون يفتحون ملف
انتي اتصلي و ان شاء الله يجابون على كل اسالتج

لازم تفتحين ملف حبيبتي .. بكل ولادة

وفي حال كانت عندج مشاكل في الولادة تخبرين الدكتورة وهم يطعولج ملفج الجديم ويدمجونه عسب الدكتورة اتابع الحاله واذا امورج طيبة ولله الحمد اتوكلي على الله وافتحي ويفضل يكون بالسابع .. وهي بتخليج تسوين تحاليل كلها اول حتى لو يبتيلها تقارير من المستسفى اللي تتعالجين فيه لازم عندهم يعيدون التحاليل .. واذا ماتبين اتعبين نفسج روحي اقرب عيادة لبيتج وافتحي ملف حوامل وهم بيخلصونج من عندهم بكل شي وبيحولونج اتوقع بالثامن لصقر وانتي مرتاحه .. ^_^ هاي هي اغلب الحلول ..

لازم في كل حمل تفتحين ملف يديد فالمركز الصحي وهم يحولونج صقر عالسابع.

الله يسهل عليج

انا ثاني ولاده لي واحين بالسابع وفتحت ملف يديد

فتحت ملف بالمركز ااصحي وعقب حولوني صقر

لازم تفتحين ملف عندهم بس مب شرط تروحين لكل المواعيد

انا صراحه اول ولاده لي كانت في صقر وكنت اراجع في مركز صحي وبعدين حولوني لصقر من الثامن
لكن انا كرهت الزحمة الي في صقر صراحة وايد زحمه وماشي تحسين نظام صح بالارقام لكن على البراد وحده ادش قبلج
افكر اربي في مستشفى راك هالمره لاني بس تعبت من هالزحمه
لكن أهلي مانعيني اربي في راك وأمي تقول ماتربين فيه
بس كرهت الوضع أسير الساعة 8 الصبح أخلص 12 صراحة كريه الوضع في صقر من ناحية الزحمه أحس المفروض يكبرون المكان