مسخوهاا بعض البنات ويا عبيهن شو الحل

السلام عليكم

الحين كيف نقنع البنات أن هذه العبي تخالف الحشمة والعفه وتيب الطنازة من اللي يسوى و اللي ما يسوى وطعبا تعليقات الشباب ما تخلص هذه لابسه زولية و لا ستارة و وزار اخوها. حتى الهنود والبنقالية يتمون يطالعون الوحده يعل عيونهم العمى. ها المنكر دش البلاد ولازم نمنعه

ياختي إذا أهاليهم موافقين وراضين بهالشي كيف نقدر نمنع المفروض من البيت وهم الأساس ينبهونهم وإذا ييتي تنصحينهم تسمعين لج كلام يغثج. وبراحتهم يعرفون هالشي يلفت الأنظار وخاصه لو ألوان قويه

والمشكله مرات حريم كبار فالسن يلبسن في هالحاله شو بتسوين ..

يعرفون الصح والغلط والله يهديهم ويهدي الجميع

ومنو قال حجابهم صح. العباية للستر والحشمة. اما هاي العبي الماصخة و الزخارف اللي ما تخلص تلفت الانتباه. العباية مسوايه للستر ولا شو خانتها مب مسواية حق ها المنكر اللي يسونه المصممات حسبي الله عليهم

كل وحده بطلع سبب يرضيها عشان تحرم وتحلل ..

الشرع واحد خواتي والحلال بين والحرام بين ..

لا تسالونا نحن في فتوى لبس مثل هذي العباية اتصلو على مركز الافتاء وخبرونا شو بيقولون لكم ..

الله يهدي الجميع ..وكل وحدة تمثل نفسها وتربيتها ..
وراعبة الموضوع قصدها انه العبي هاي تثير الفتنة وتجذب انظار الشباب والرياييل بشكل عام وبها الشكل ياخذون اثم ..

بنات لا تحاولون تقنعون اعماركم بأيام الرسول وشو كانو يلبسون زوجاته
و ان فالدين مافي شي يقول ان العباه لازم تكون سوده ،،

((الْحَلالُ بَيِّنٌ ، وَالْحَرَامُ بَيِّنٌ ، وَبَيْنَهُمَا مُشَبَّهَاتٌ لا يَعْلَمُهَا كَثِيرٌ مِنَ النَّاسِ ، فَمَنِ اتَّقَى الْمُشَبَّهَاتِ اسْتَبْرَأَ لِدِينِهِ وَعِرْضِهِ ، وَمَنْ وَقَعَ فِي الشُّبُهَاتِ كَرَاعٍ يَرْعَى حَوْلَ الْحِمَى يُوشِكُ أَنْ يُوَاقِعَهُ ، أَلا وَإِنَّ لِكُلِّ مَلِكٍ حِمًى أَلا إِنَّ حِمَى اللَّهِ فِي أَرْضِهِ مَحَارِمُهُ ، أَلا وَإِنَّ فِي الْجَسَدِ مُضْغَةً إِذَا صَلَحَتْ صَلَحَ الْجَسَدُ كُلُّهُ ، وَإِذَا فَسَدَتْ فَسَدَ الْجَسَدُ كُلُّهُ ، أَلا وَهِيَ الْقَلْبُ))

اي شي ملفت للنظر في مكان عام ومختلط هو حرام حاله حال المكياج ،،
يعني بالله عليكم اللي تمشي وعباتها سوده ساده نفس الشي تمشي وعباتها الوان
بليز يعني لا تمون تنبشون فالموضوع عشان تبررون و تبينون ان هالشي عادي ،،
روحي دقي حق مفتي ولا شيخ وقولي له يجوز البس عباه منقشه وملونه وشوفي شو بيقولج ؟

كلتوا البنت بقشورها الله يهديكن
حتى مع الحلال والحرام
يعني بذمتكن الحين هاي العبي
اللي تجوفنها تسمى عبي؟!
تييكن وحدة لابسة عباة مطرزة
من فوق لين تحت ومتروسة ألوان
شو الفرق بين عباتها ومفرش الطاولة؟
يعني يالسات تقارنن وكل وحدة فيكن
يابت أمثلة من الشرق والغرب
شو خص الأجانب عشان نقارن فيهن
هن اوريدي مب مسلمات ولا يعرفن
الستر شو يخص لبس العباة بتعريهن؟
وقلتن زين منها تحجبت واحتشمت
هل المفروض يعني تكون العباة
ملونة ك مبرر للحشمة؟
اللي يقولن ما أنذكر هالشي فالقرآن
فيه أشياء ما ذكرت مباشرة وفسروها
حقنا شيوخ وعلماء الدين
فهل هذا معناه أنه عادي لبسي عباة
تلق وبالوان فاقعة وانقشي عليها نقشات
حناء وجي عادي انتي متسترة؟
حتى لو كانت الألوان فالعباة عادي مسموح
بها بس مرة ماشي ذوق؟!
ماشي عقل كرمنا به رب العالمين
عسب نختار الشي المناسب
سوو نقش حناء وزوالي وقطع
ستاير وقلنا يلا نسوي أهم شي الستر؟!
وبالنسبة للوافدات اللي يلبسن عبيهن
المعروفة ولا مرة جفت وحدة فيهن حاطة
تطريز ملون ع عباتها دوم أجوف العباة
أو البالطوا شرات ما يسمونه سادة وبس
فيه أزرار من جدام شقايل تقارنونه بعبينا؟
الكلام والشرح يطول عن عبي الحين القصيرة
والنص كم والمفتوحة من كل صوب
أهم شي الستر هاه خليجية

حسبي الله ع إبليس خليجية

مسخوهاا بعض البنات ويا عبيهن شو الحل

اترك تعليقاً إلغاء الرد