مرحبا بنات
أنا سويت عمليه انحراف من 8 سنين وبصراحه العمليه مزعجه ومب مريحه لدرجة اني قمت من البنج اصيح ليش سويتها !!
بعد فتره اشتكيت من الم في وحده من فتحات الانف من داخل .. سويت اشعه ونتيجة الاشعه انه فيني مثل انتفاخ هوائي فالجيوب لازم ينشل
طنشت الموضوع بس من فتره زجمت وسرت لدكتور انف واذن شاف خشمي قالي عمليتج فاشله وفيج ثقب فالحاجز الانفي !! ثقب يعني عظمة الخشم من داخل مخرومه لازم تنسد .. يعني عكس اللي طلع فالاشعه !
سرت لمعاذ الطرابيشي قالي تعورج قلت له بصراحه هيه الالم يسير ويرد .. قالي تتحملينه ! قلت له هي ! قالي عيل طنشيه خلاص لاني اخاف بدل لا اسده اكبره !
بس بصراحه الالم يوم ايني وايد يضايقني لا يطاق ! واخاف هالثقب يكبر
ومابا اسوي عمليه مره ثانية لأنها متعبه ! الا جان بيعالجون المشكله ببنج موضعي بس !
شو تشورون علي خواتي !
هلا أختي أجر و عافيه يارب… نفس المعاناه من 4 سنين و أنا أختج سويت العمليه و نفس الشيء ثقب كبير صار لي بعد العمليه و خشمي اخترب و العمليه فاشله بس الدكتور ما خبرني بس يوم سرت أسوي فحوصات في تايلند خبروني.. أنا المشكله صارت لي حساسيه في خشمي و ربو و ما أقهر أي ريحه سواء أكل عطر و دخون اموت من الريحه و احينه على أدوية الربو… بين فتره و فتره دم يتيمع و رأسي يعورني و حتى حاسة الشم اختفت عندي… بس طنشت و الحمدالله اشوي احسن صح ساعات أفكر و الله نفسيتي تتعب الكل نصحني من أهلي بس ما سمعت الرمسه… قضاء و قدر و الحمدالله.. بس نصيحة أخت لو تقدرين تتنفسين عدل خلاص إنسي الثقب خلاص عيشي حياتج.. بالرغم فيه لحميه بس في تايلند قالوا خلاص لا تلعبين في خشمج أكثر بتتأذين لا تسمعين كلام الدكاتره هم الوحيد الفلوس بس.. حتى سرت الهند قالي بسويلج الدكتور العمليه بس ما طعت حسيت يبا فلوس.. المشكله يوم سويت العمليه ما سرت عند أكثر من دكتور عشان أتأكد بس يوم طاح الفاس في الرأس معظمهم قالوا إنسي العمليه… لا اتجازفين و اتلعوزين عمرج زين الثقب صغير عادي مشي حياتج… سامحيني طولت عليج لو بغيتي أي شيء انا في الخدمه
الله يشفيج ان شاء الله اذا انتي من العين سيري عند دكتور حازم في م السلطان انا سرت عند كم دكتور واحد من هم قالي عندج انحراف ولازم عمليه بس بصراحه كنت خايفه وماسويته وسرت عند د حازم والحمد الله خفت الحساسيه ونقطاع النفس كنت ماقدر انام فالليل علجت عنده بس مع الا دويه
أجر وعافية اختي…الطب تطورالعلاجات بالأدوية متاحة ومنها أمل وعلاج. بس بعض الدكاتر الله يسامحهم تجاري أكثر من أنه يهمه شفاء المريض. اللي اكتشفته بعد عمليتي جيوب انفيه انه علاجي بسيط بالمضاد. وتجنب أشياء في حياتي اليومية. والحمدلله على كل حال