مشكلة إحدى العضوات

السلام عليكم ورحمة الله وبركاته

المشكلة اللي بعرضها اليوم هيه لاحدى الخوات اللي معانا في المنتدى وهيه صديقة لي تعرفت عليها من المنتدى وحابة اني اعرض مشكلتها واتساعدونها علشان تلقى حل :

أنا فتاة عندما كان عمري 20 سنة كنت مخطوبة لولد خالتي يكبرني بثلاث سنوات وعشت معه اجمل لحظات حياتي استمرت خطوبتنا لمده ثلاث سنوات وسبب طول ان خطيبي يشتغل في الجيش وعنده دورة اربع سنوات في بريطانيا وبعد ثلاث سنوات كان عمري 24 سنة انتهى فترة دورته ورجع نهائي للبلد المهم رجعت لي ايامي الحلوة معاه مره ثانية في البداية كان يتودد لي بمجرد قبلات بسيطه على الخد والشفايف قبلات خفيفة وكنت اقول هذا من حقه لاني خطيبته وفي يوم عزمنى على العشا وكان نفس اليوم عيد ميلادي وسوا لي مفاجاه وعزمني في احدى الفنادق وكان مسوي حفله جدا حلوة بس الحفله كانت في احدى الغرف ويوم سالته قال بناخذ راحتنا بعيد عن الناس فرحتي كانت ما توصف بهالمفاجاه وبعدها طلب منى طلب وقال لي احنا صار لنا اكثر من ثلاث سنوات مخطوبين وان شاء الله في الصيف راح نتزوج يعني عقب 8 شهور (طبعا هالكلام كله السنة اللي طافت ) قلت له صبرنا كل هذا ما بقى شيء xxxxxممكن قلت له ليش مستعيل قال لي من حقي صح والا لا فترددت وايد وبعدين قلت صح من حقه وعقب صار اللي صار بينا وطبعا انتوا فاهمين شو اقصد وقال لي لا اتخبرين حد باللي صار علشان ما يسوون مشكلة ووعدته ورجعت ايامنا مثل ما كانت بس الفرق ان المعاشرة كانت بين فترة وفترة كنت اقول في خاطري كم شهر وبكون زوجته جدام الناس يعني اللي يصير بينا حلال موب حرام وهو نفس الشيء كان يقول لي قبل العرس ب شهرين سوى حادث وتوفى وكتمت كل شيء بقلبي وما خبرت حد ان انا موب بنت ومرت الايام قبل شهر خطبني واحد ثاني هو موب من الاهل بس امي تعرفهم الولد وايد زين وطيب واخلاقه عالية المشكلة الحين كيف اصارحه باني موب بنت وهم يعرفون باني كنت مالجه بس كيف اواجهم بهالشيء وبالاخص الانسان اللي خطبني صار لي شهرين لا اكل ولا اقدر ارقد قولوا لي شو الحل واهل الولد يتريون ردي هل اوافق واصارحه ام ارفضه وانسى الموضوع ساعدوني جزاكم الله خير ..

طبعا المشكلة اللي فوق مشكلتها يا ريت لو تقولون لها شو الحل انا قلت لها تخبر امها باللي صار بس هيه خايفه من امها لان امها من النوع العصبي شو الحل برايكم

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟؟

استغفر الله

تصارح امها او حد كبير ف العايلة يتفهم هالوضع

الله يعيييييييييييييييييييييييييييييين

عسب جي الطلعه في ايام الملجة ما لها داعي

الله يرحمه خطيييبج

لا حول ولا قوة الا بالله
كلامي للصاحبة المشكلة:
اول شي مابي اقول انج غلطتي اكبر غلطة في حياتج لانج مب صغيرة
وحتى لو الوحدة مالجة على سنة الله ورسوله وهي تحل للريال بس
اكبر غلط تسويه انها تفقد عذريتها قبل العرس.. العرس اشهار للزواج
… الواحد ما يعرف شو يصير في الدنيا وبعدين حلات العرس بليلة الدخلة
والكل يعرف مب ليلة بالدس.. سمحي لي اختي بس انتي غلطانة وهالغلط ممكن يكون
اكبر من انه يتصلح
بس بعد ارد واقول لج كلمة… استخيري وكلمي اقرب الناس لج ولو ممكن يلسي مع امج
وكلميها باللي صار… لانه مافي حد يفهم البنت غير امها.. خبريها باللي صار
وخليها تشور عليج… وباذن الله بتلاقين الانسان اللي بياخذج بغض النظر عن غلطتج

اللهـ يهديها مهما كان ما كان مفروض تسوي جي !

ع عالعموم الي صار صار.,, الحين مالها غير تقول حق امها مهما كانت امها عصبيهـ محد يقدر يسوي شي غير امها
واذا خايفه من امها خليها تقول حق حد قريب منها ومن امها يكون حلقة وصل ., وتحل هالموضوع ..

ما أعرف شو برد على هالمشكله لانها بنظري مصيبه ان البنت تفقد عذريتها قبل ليلة الدخله , انا ما عندي غير حل يمكن يحل المسألة بالستر, تملج على الي ياينها وبفترة الملجه تحاول تفهمه واذا قال لها انها خدعته تكلمه بأسلوب حلو وتقول له انها ما تغصبها يكمل الارتباط وتحاول اتظهر نفسها انها كانت تمر بتجربه يديده وما اتفهمت خطورة الي كانت تسويه والله يستر عليها ويسامحها لان الزواج للمره الألف نقول انه اشهار, وماله داعي تخبر اي حد غير الي بترتبط فيه لان المساله بتكبر لو خبرت امها أو اي حد من قرايبها خلها تحل مشكلتها بروحها هي الوحيده الي بتعرف ريلها الثاني وبتعرف كيف تدخل له.

اختي لو البنت تكلم خطيبها خله تخبره (لو كانت علاقتها معاه زينه وهو متفهم) بس يوعدها انه ما يخبر حد سواء بياخذها او بيغير رايه لأنها مسالة شرف

والله انا معاكم بانها مشكلة كبيرة وانا حاةولت اقنعها بانها تخبر اقرب الناس لها لكنها خايفه من مواجهه اهلها ومن مواجهه اللي خطبها