هلا خواتي شحالكن عساكن بخير ؟؟
عندي مشكله لربيعتي
تعرفون نحن فالصيف وكيف الشمس عاده
وندرس فالجامعه فبعد المسافه من البوابه للكليه لازم نمشي تحت الشمس
عاده هي بيضاء ومن فتره صارت ايديها سمره شوي بس ايدها اللي معرضتنها للشمس
والباجيه اكيد تحت العباه ومبين يعني مستوي فرق بلون جسمها وايديها
المفروض تلبس قفازات بيضاء بس هي ماحطت فبالها هالشي
فشو الحل اللي تعرضت لها الشي وجربت كريم او سوت خلطه او سمعت بها ولها نتايج
تفيدنا وبلييييييييييز اللي بتنصحنا بكريم لو تقدر تحط صورته
لكن شي وايد خلطات انذكرت خصوصا هاليومين شوفي الصفحات الثلاث الاولى من هالقسم بتحصلين اكثر
عن موضوعين
السبب: ان من زحمة بوظبي اخذ في الدرب قريب النص ساعة او اكثر والشمس تكون اقوى شي
و النتيجة : استوت ايديني وااايد غامجة عن جسمي لدرجة ان اشوف في المصعد وانصدمت من لون ايدي مع العباه
الحل الى اتبعته:
– اشتريت قفازات بيضاء و البسها يوميا اول ما اركب السيارة
– غيرت مكاني في السيارة كنت دوم اقعد في المكان الى عليه الشمس (مصدقة عمري) لا استويت اقعد وراء الدريولة (الحبيبة ماعندها شمس)
– خليت الدريولة تركب شماسيه في الدرايش عسب تخف قوة الشمس
– اشتريت واقي شمي مبيض من ميشا و اسويه قبل لا اظهر من الدوام والبس القفازات دايركت
Missha Time revolution
– اشتريت كريم تبييض من صيدلية بوتس (Depwhite)
– اول ما ادخل البيت … دايركت الحمام (الله يعزكم) اغسل ويهي وايديني بالصابون (من ميشا بعد)
– بعدين اجفف ويهي واحط عليه كريم التبييض الى من بوتس و طبعا احط على ايديني
– بعد المغرب .. اسبح بالليفة المغربية والحمام المغربي (اخلي الصابون على جسمي واليف عليه وبعدين اغسله)
– قبل لا انام احط كريم التبييض على ايدي وويهي
– استويت اشرب ماي وااايد
– وحاطه كريم جرجنز عندي في الدوام كل ساعة والثانية ادهن عسب تستوي ايديني رطبة
والحمد لله تحسنت ايدي وايد ماشاء الله …
حتى من الفرح لبست اليوم خاتمي اليديد و سوارتي الى من جوسي كوتيور وطلع شكلها وايد حلو على ايدي بعد العناية
المدة : تقريبا اسبوع من العناية وبعدني بواصل ان شاء الله وبخليه عادة