مشكلة بتحديد سن التسجيل

هلا اخواتي ..اليوم رحت اسجل ولدي بروضة الاحسان وقالوا لازم يكون المواليد من فوق شهر اربعة وولدي مواليد شهر سبعة ولازم يكون ثاني روضة وقالت لي الوكيلة بنسجله اول روضة قهر يعني سنة بيعيد واول روضة درسته في خاصة اونه مانعترف بشهادة ولدج وانه تعميم نازل من الوزارة …والله قهر ..يعني شو اسوي الحين …باجر بيروح ريلي الوزارة بيشوف الموضوع …بس صدق تعاملهم وايد اوكي والوكيله حبوووبه ورحت اشوف نظامهم وايد اوكي ..وقالت لي الوكيله على السنة اليايه كل المدارس بتكون شراكة ..وضحكني ريلي اونه قال خلاص يوم بنييب عيال بنفكر نسوي تخطيط حمل ولازم تكون الولادة بشهر مارس علشان نريح انفسنا من التسجيل وقوانينه …
بالله عليكم سمعتوا اونه عن القرار اليديد لو ناقص يوم مايسجلونهم ؟؟؟؟؟

هيه والله صدقه ريلج والله اني ضحكة اخر شي

هلا اختي مس دايت ..ان شاء الله دوم الضحكة يارب …

السلام عليكم

نعم أختي القرار من زمان

القبول لين مواليد 1 – 4

2- 4 ما يقبلونهم

تحياتي لج

..

القرار صحيح ،، لو كان الطفل ناقص يوم واحد ،، مايقبلونه في الروضة

اذكر العام الماضي يانه ولي امر بيسجل ولده في الروضة ،، وناقص يوم واحد ،، واحتشر علينا ،،، قلنا له من مب منا من المنطقة

الكلام صح و من زمان هالقرار مب من الحينه .. و صراحة انا اشوف القرار مافيه شي بالعكس.. لأن في هالحالة الطفل اللي بيكون مواليد 1/4 بيكون اصغر طفل و بيكون عمره 3 و نص ..و صراحة اصغر عن جيه ما يستوي ..و انا مدرسة يهال و اشوفهم اليهال الصغار اللي دخلوا و اعمارهم 3 و نص غير عن اللي دخلوا و عمرهم 4… في وايد فروق فردية تتعب المدرسة و ترهقها في توصيل المعلومة….

مشكورات اخواتي وماقصرتن بس يعني ولدي ناقص عن السن 3شهور تضيع عليه سنة كامله …ولا بعد سوت له اختبار وسألته عن الالوان ورد عليها شئ بالعربي رد عليها وشئ بالنجليزي ..

اذكر السنة اللي فاتت انه بنتي كانت ناقصة شهر عن التسجيل والمدرسة مارضوا يدخلونها وقالت قرار نازل وما ادري شو ..وريلي راح الوزارة وكلمهم قالوا اصلا غلطانه القرار يشمل اللي ناقصين سنة مش شهر او شهرين وسجلوها عادي ..وبيروح ريلي جريب للوزارة يشوف شو الموضوع ….