مشكلة بنت فالمنتدى "أكره ابووي !!!!!!!!!!!!!!!!!!!!!!!!!!!!!!!!" بليز ساعدوها :(

:
مشكلتي اكره ابوي ..
امي وابوي منفصلين من 10 سنوات..
بقلكم ليش انا اكرهه لنه عدوي محد بيضرني غيره ..
_كنا ساكنين افبيته 4 سنوات عقب طلعنا اونة بأجر البيت والحينه ساكنين افبيت الوالده
ويوم اجره سيده يا بيتنا سكن عندنا وامي ماتروم تسوي شي لنه الحظانه عنده
_ماكان يهتم بحد فينا ولما نمرض ولامره ودانا المستشفى
_احيانا يقول لاتدرسون اشتغلو انتو نهايتكم الزواج شوفايده الشهاده .. المدرسه عيب والشغل عيب ويقول : شوماعندكم تاكلون عشان تفكرون تشتغلون باجر؟
_وله علاقات ويا الحريم حتى الخدم وفي وحده تحرش فيها بلغت عليه الشرطه
_كل مره يهددني بالقتل اونة عندي مسدسات جانه مايسدكم عندي بالدوام واول مره هددني فيه يوم كان عمري12 سنه ولين الحينه بس عادي طاف
_وكان يهددني بعد انه يبلغ عليه الشرطه وطبعا امسات مبلغ عليه الشرطه رافع قضيه قذف الكل ضحك عليه من وراه وقالو صج مايستحي ورمسوه عقب اسبوع تنازل عن القضيه لني عندي اكثر من دليل وكان خايف وايد
_ايلسني عنده كل يوم غصب عساس يحش بالوالده اونة يبا يكرهني فيها يتكلم اكثر عن 4 او 5 ساعات والله وكله يسب ويشتم ويقذف الناس وسوالفه تلوع الجبد يذكر كل عيوب الحرمه .. عفاني الله
_يوم كنت اغيب كان يقول : اكيد هاي غايبه عشان اتدخل ريال البيت (تخيلو بهاك الوقت ماعندي فون )
بس اونة عطاني هدية ( امي اقنعته انه يهديني عشان اتذكره لابعد عطاني فون بدون رقم خخ )
_هو من النوع الي مايطلع من البيت يتم بيتنا مايظهر الا وقت صلاة اليمعه واحيانا يسوي طاف
_عنده دفتر يسجل متى امي طلعت (هي بس تطلع تتشرا حقنا) واحيانا يبالغ يكتب انها ردت البيت الساعه وحده بالليل بدون عبايه وشيله !! كيف جذه وامي متنقبه وعبايتها ساترررررره ؟
_وهو اكبر راعي مخافر اتقولون مركز الشرطه بيته الثاني الكل يقول انه يتم عندنا وايد مايطلع الا نسوي الي افباله
_مدخلي المركز4 مرات عشان اجذب عليهم واقول ان امي انسانه مب زينه بس ماقلت طبعا ولاتكلمت عنها طبعا…..
_لاتستغربون هو مبلغ ع امه وسبها بمركز الشرطه قالها يالـ …. وظربها(امه الي هي امه قايله انها ماتستحمله ساعه ) .. حتى مره بلغ عابوه وع ريل اخته وع امي وعليه
_بعدين وايد يجذب وانسان حقود وعيار بدرجه لو تجوفونه تقولون انه مافي اطيب عنه بس هوالعكس
_لما كنت ارقد يوعيني ع الساعه 12 يدق الباب بالقو تقولون هب ايد مطرقه ..يوم افج الباب اونة انزلي تحت يبا تكلم يحش بالوالده ولما اقله تعبانه يعصب يعطيني محاظرة ..
_نحن مانظهر مول حتى بالاعياد ومحد يزورنا بسبته
_لما يجوف واحد فقير يطلب منه بيزات ( يعني نفس هالهنود والباكستانيه المساكين ) يسير يضربهم يلف اذونهم ويدزهم.!(هذا مابدال يتصدق عليهم ويكسب اجر ..).!!
_كل يوم يتمدح بنفسه انا محترم مثقف الكل يحترمني وانا طيب وكريم
_كان يقول: انتو بنات المفروض يعني تندفنون تعرفون شويعني وأد البنات يعني ادفنكم وانتو مب ميتين بس انا ماسوي جي انا طيب وايد(ويحط ايده ع قلبه )
_احيد مره بعد كان قابض سكين يبا يذبح امي بس نحن كلنا سرنا عند الوالده ونصيح
_واليوم اتصل بأختي اونة يباني قلت لأختي مابي اكلمه جان يقول ماعليه انا بييب الشرطه البيت وبيشلونها اصلا وانا ادري انها قاعده تسبني .. ( انا ماسبيته ولاسبيته بقلبي بعد ) والحينه عقب كم ساعه ناوي اييب الشرطه واذا ماياب الدوريه طبعا باجر بييب الدوريه
_ لاتقولون انه يشرب لنه مايشرب مافيه شي مب مريض والله صاحي عقله براسه ولاتقولون خلهم خوالي يتدخلون لنهم مايحبون امي تراها طيبه زياده عن اللزوم وماتعرف تتصرف وتاخذ حقها..
_وانا كل ما احلم فيه احلم انه يضربني ويسبني والله العظيم ولا مره حلمت فيه حلم عآدي يوم يطلعلي بالحلم كله احلم انه يضربني ويوم احلم بالوالده احلم انها حامل واحلام حلوه بس هو لااااا ( مادري ليش ؟ )
_كم مره حاولت انتحر كم مره طحت بالمستشفى بسبته بس شسوي ماقدر اقضي ع نفسي كفايه تعذبت بحياتي مابي اتعذب بالآخره
فوق كل هذا بتقولولي سامحيه مالج غيره ؟ بتقولولي هذا اب وخايف عليج ؟
الانسان عنده قلب يحس يتأثر يتعب ويصبر احيانا لكن الصبر له حدود وانا صبري نفذ احيانا احسد نفسي كيف انا بعدني للحينه عايشه كيف هالكثر اتحمل .. انا مابي شي غير الله ياخذ روحي بس علشان ارتاح