مشكلتي القيمات

بنات تعبت من اللقيمات اسوي طريقتها صح
بس المشكلة يوم احطها عالنار تطلع يابسة حصاه تعبت متااعرف كيف اخليها هشة

ساعدوني

انا بقولج طريقتى ودومها تضبط وياي
وانشالله تضبط وياج …
كوب طحين ابيض رقم 1
ملعقه سكر
ملعقة خميره فوريه
ملعقه كاسترد
ملعقه ونص حليب بودر
ذرة زعفران
وماى للعجن…وخليها تخمر مال ساعه… وقليها وانشالله بتظبط وياج

السلام عليكم ورحمة الله وبركاته
انزين اختي شو هي مقاديرج بالضبط وكم تخلينها تخمر
لأن يمكن السبب من المقادير يعني احتمال تحطين خميرة زيادة

انا بعطيج طريقتي وهذي الطريقه امي معلمتي اياها وهي مضبوطه 100/100 وسهلة واااااااااااايد

المقادير 3 كوب طحين أبيض – ثلاثة علبة لبن اب – ذرة ملح وذرة سكر – شويه زعفران – ثلاث ملاعق كبيره خميره فوريه

الطريقه : تحطين المقادير كلها مع بعض بس الشرط الوحيد لا تخلطيهم بالماي ابداً عشان ماتخترب بالزيت يوم تقليها اعجنيها باللبن بس ولازم تكون العجينة خفيفه شويه يعني نفس المطاط وخليها تتخمر نص ساعة او اقل وبعدين قليها بتطلع اروع عنها ماشي بس قصري على النار وخليها تستوي على راحتها

والسموحه

هلا اختي
اذا العجينه لينه وايد تطلع يابسه
اذا حطينا فيها لبن او روب تشرب زيت وايد

اختي فكي عمرج من الصدعة واستخدمي اللقيمات الجاهزة اللي في العلب ..

وانا عن نفسي اشتري لقيمات العلالي احلى منها ماشي وتطلع هشه وكلمة روعة شوي عليها ..

لا تعب ولا شي .. وفري مجهود اللقيمات في شي ثااني .. خاصة وان الوقت في رمضان لتجهيز الفطور قصير

طريقتي…..

4كوب طحين أو 3 ونص
كوب روب
2ملعقة خميرة
3 ملعقة سكر
رشة ملح((ذرة))
2ونص كوب ماء دافي بالزعفران((يحضر مسبقا))
تمزجينه عدل…أذا لين يضاف طحين وإذا يابس شوي ماي,,,,
يترك للتخمير ساعتين(((اللقيمات بأنواعها كل مازادت فترة التخمير…تطلع مقرمشة)))
لما تقلينه المفروض زيت غزير ونار هادية عكس ما قالت الأخت؟؟؟؟
لو النار عالية….بتحمر من برع وتكون نية من الداخل وكتلة عجين!!!