مشكلتي مالها حل غير مااقول حسبي الله ونعم الوكيل

انا عضوة يديدة وبقولكم عن مشكلتي وابغي رايكم بليز .. مااعرف كيف ابتدي بموضوعي .. انا كان شخص يبغيني بحلال ويبغيني زوجة له بس للاسف خبر اهلة خواته راضو فيني واقتنعواا بس الصدمة امة ماطاعت فيني ..للسبب لا انا اعرفه ولا هو بعد , تراني صديقة اختة وازوار بيتهم وامة وايد تعزني وتحترمني للعلم مافيني اي عيب وصاحبة دين وخلق والحمدلله فبداية امة حاولت تخطبله يس ماكان راضي ومايبها ويوم طفرت منة قالت في حد فبالك بنخطبها لك قالها هية وقالت بس سارت وخطبتله وحده واتفقت خلاص وهم مايدري للعلم هو من النوع اللي مايرضى يكسر كلمة اهلة ويتمنا راضاهم ويخبرني امة وايد مسيطرة عليهم ويوم ماطاع حق اللي خطبتله تمت تصيح وتمرض وهي فيها السكر والضغط ورقدوها فمستشفى واخر شي قالتله انت بتموتني والولد نفسته تعبانا ويصيح ويخبرني انا ابغيج ويحلف بالقران يبغيني وانا مصدقتنه لاني ابغية بعد بس مااقول غير حسبي الله ونعم الوكيل وانا تعبت خبرته يحاول حاول جم مرة بس بعدها مصرة فنهاية اكتشفت منها انه تبغية حق مصلحة من زواجة شو الرد اونة عسب تعدل وضوع ولدها وبيتهااا والله للعلم انا وايد احبها واحترمها واحبها شرات امي ومب مقصره معاهم اكون في احزانهم وافراحهم .. وهو خطب ويقولي مايبغيها بس دام اهلي يبونها انا شو ذنبي ؟

اختيه خلاص انسيه يمكن خيرة اذا هو يباج يدل بيتكم وانتي خلاص لا تكلمينه والله يهدي امه .

بعطيج الحل

و الله حبيبتي جنك ربيعتي تتكلم
ربيعتي نفس السالفة
البنت ربيعة اخواته كلهم و تدش بيتهم و تيب لهم اغراض و ما تقصر و يمدحونها ليل نهار
و اخر شي يوم قالهم ابا تزوجها سوو فلم و قامو يطلعون ميت عدر و عدر
و اخر شي قالو اوك بنسير نخط لك
و اتصلو على بيت البنت و ردت اختها الاصغر طبعا لانه محد كان موجود
قالت لها قولي حق امج نبا نتكلم معاها يوم ترد
و امها تتريا اتصالهم
قامو زعلو وقالو حق ولدهم المفروض يوم ترد تكلمنا و تقول لنا انا فالبيت
وامها تقول المفروض هم يردون يدقون عسب نحدد موعد وسوو سالفة طويلة من لا شي
واخر شي قالو له ما نباك تتزوج نباك تروح أمريكا تدرس
و طبعا هو نفس شخصية الثاني قال لهم حاضر
و راح يدرس
والبنت بتمووووت عليه وطبعا كل الي سويته
ما ازعجت حد فيهم
تمت تصلي وتدعي من خاطرها و تقول يااارب يرد لي
واحنا كلنا قلنا بتجن البنت الريال راح و بيطول هناك
وهي بكل اصرار تدعي وتدعي
وسبحان الله الله ما وفقه و تم 6 شهور ورد
و جا اكثر اصرار عليها و خطبها و تزوجو ههههههههههههههههه الحمد لله فرحت وانا بعد استانست وايد لانه ماحب الظلم

مشكورة اختيه شمالية وافتخر على ردج وبنت عقيد والله فرحتني صراحة انا ادعي كل يوم المشكلة خطب خلاص حتى امة عسب تقهرة خطبو بس بشهر والعرس قريب بس ماقول الحمدلله وحاطة املي بالله وانشاء الله ربي يجمعناا ..

القصد من مشاركتي انه لا تتري حد يعطيج حل
قومي صلي و ادعي من كل قلبج و اخدي الي تبينه بقوه الايمان و الدعاء لانه محد يقدر يعطيج الي تبين الا الله
منو بيشكك فالهكلام ؟ الناس الي بتقولي قد يكون قدر يقرا القران وكيف تتحول القصص من حال الى حال يقرا قصص الانبياء
يقرا حتى قصص ناس عاديين
مثل
قصه موسى عليه السلام كليم الله فقد اتت اليه امراه وقالت ادعو لي الله ان يرزقني الذريه الصالحه

فكان سيدنا موسى عليه السلام يسال الله ان يرزقها الذريه وبما انه كليم الله فكان رب العزه تبارك وتعالى يقول له اني كتبتها عقيم و

بعد سنه اتت اليه المراه وقالت له ادو لي الله ان يرزقني الذريه

فسال الله ان يرزقها الذريه فقال له الله اني كتبتها عقيم فرجع موسى عليه السلام وقال للمراه ان الله قد كتبك عقيما

وبعد فتره من الزمن اتت المراه لسيدنا موسى عليه السلام وهي تحمل طفلا فقل لها من اين لك هذا فقالت انه طفلي رزقني الله به فكلم

موسى عليه السلام ربه وقال ربي انك كتبتها عقيم فقال الله عزوجل

يا موسى كلما كتبتها عقيم قالت يا رحيم
يا موسى كلما كتبتها عقيم قالت يا رحيم

فسبقت رحمتي قدرتي

انشاء الله حبيبتي ومشكورة واااايد على ردج وسمحيلي طولت عليج

الله يهون عليج