شحالكم ؟
أبا حل لمشكلتي لنه الشي واااايد ينرفزني وااايد ..، انا من إنولدت فهالحياة و انا طبيعتي ماأحب الأغاني
مب عشان هي حرام يعني الموضوع مايستهويني ماأدري إذا بتفهمون علي و كبرة على إني ماأسمع وصرت ماأسمع موليه بعد عشان حران حتى
لو إختي تسمع بس من أركب مثلاً وياها تراعي وتسكر ..،
المشكله هي إنه مثلاً لو نحن فمكان و فيه أغاني مثلاً عرس أو محل على طووول ألقط الأغاني و أحفظهم 
و أتم أدننهم ف مخي أحاول أتغلب ع الشي بالإستغفار بس من أسهى أرد أدنن و وااايد يضايجني …
في حد منكم جيه ! و كيف أتغلب ع هالشي و الله ساعات الواحد ينجبر يعني لو أشتت بالي ف شي ثاني بس بعد إتم
حاولي اذا سمعتي اغاني ماتنتبهين على الكلمات .. يعني لاتدققين فالمحتوى
اشغلي عمرج بالسوالف بالتليفون
والله يثبتج ويبعد عنا الاغاني يارب
يعني الي اتذكره بعض الاغاني الجديمه وبعد مقطع او مقطعين بس …
والي يصير انه اختي الحبوببه تشغل في السياره وحتى لو سيارتي يشغلون ع كيفهم فما اشغل نفسي واتسمع الكلمات …نفس الشي الااعراس …
حتى اللحين افكر اتشرط عليهم الي بيركب سيارتي ما يتصرف ع كيفه ويبدل قنوات الراديو ..انا احط نور دبي واتسمع الاناشيد والبرامج …
فانتي ماتقدرين تسكرين الباب ع نفسج واتمين عايشه في غرفه لازم بتطلعين السوق والمولات والمحلات فيها اغاني مع اني ما اعرف ليش حاطين اغاني في المحلات فأنتي لا تركزين مول وركزي ع الشي الي بتشترينه ..
انا مثلج مول ما احب الاغاني واذا سمعت اغاني راسي يعورني احس ازعاج صدق
بس احيانا لما نطلع رحلات جماعيه عاد عيالي وابوهم يحطون ميحد وخلاف تلقيني وانا في الحمام الله يعزج ادندن الاغنيه ؟؟؟ او وانا اصلي؟؟؟؟؟؟؟؟؟؟؟ اموت قهر احاول انساها بس مااقدر
اقول ليتني احفظ القران جي هذا وانا ماسمعت الاغنيه الا مره واتم استغفر او احاول افكر باي شي ثاني لين تروح الاغنيه من بالي
حتى الأسواق موب بس الأعراس
شوفي أنا قلت لنفسي دام الأغاني يوم اسمعها تعلق في راسي أقدر أسمع شي مفيد وأخليه يعلق في راسي أكثر
قمت اسمع القرآن وبعد فتره فعلاً القرآن ضل يقرا في ذهني كأني اسمعه
وإذا الأغنية دندنت في راسج اقطعيها بالأذكار وإن شاء الله تبعد
انا احب الاغاني و اسمعها دوم بس للأسف صعععب جداً احفظها!! و مرات اسمعها و استانس و انسجم وانا ماعرف الكلمات <- اعتقد اللحن
و تقريباً أركز على لحن الاغنية و الصوت و عقب الكلمات خخ قليلة الاغاني الى احفظهم <- طبعاً عقب ماسمهم 3245235 مرة ..
و نادر ماسمع اغاني .. يعني معظم الاحيان لو طلعت وحد شغل الاغاني اسمع .. بالنسبه لي ماسمع ..
بس حالتج غريبة نوعاً ما O.o