شحالكم اعضااء منتدى سيدات الامارات
الصراحه انا عقب ما عيزت من اني احل مشكله اربيعتي
شاورتها اني احطها فالمنتدى و واقفت ^^>> معنها اتقول ان مشكلتها مالها حل
المهم انتوا سمعوا السالفه
الله يسلمكم اربيعتي عندها اخت مريضه الله يشفيها ودووم يطرون انهم ياخدونها الدختر
واخت اربيعتي ما ترضى اتسير الدختر الا و وياها اربيعتي اللي هي اختها واربيعتي ما قالت شي
بالعكس قالت هاي اختي والواجب اني اسير وياها
بس مب هاي المشكله
المشكله ان اربيعتي عمرها 16 سنه ومن بدت الاجازه الصيفيه ما طلعت مكان ابد الا الدختر
فمره قالت لامها مب مشكله ابات فبيت خالتي بس ليووم واحد عسب تكسر الملل
اتصدقون هزبتها وصرخت عليها اونه انتي ما اتشوفين شو حال اختج وماادري شو
معنه اختها يالسه فالبيت ما فيها شي يعني
وكله اتقول لها انتي ما اتسوين شي وماادري شو يعني اختج مريضه وانتي مب مهتمه
معنه الله الشاهد ان كل مره هي اتسير وياها واربيعتي من راس الخيمه ولازم تراجع الدختر فبوظبي
يعني شوفوا الخط المتعب
واربيعتي سااكته وصابره
وغير جي ع اتفهه الاسباب اتهب فويهها وتهزبها
وكله اتقول لها انتي مب بنتي وماادري شو
يعني هي مب كافنها التعب اللي ايي من خط بوظبي
واتقول لها قومي سيري السووق عسب تتشرين اغراض لاخواتج
وعلى فكره اربيعتي اكبر خواتها بس اكثر وحده يضلمونها
والله انها جدام عيال خالتها اتصارخ عيلها وعلى اتفهه الاسباب
واربيعتي سمره اشوي وكله اتقول لها انتي ما بتعرسين اصلا انتي سمره ومنو بياخد سمره !!!!
والله ان تقريبا ما يمر يووم الا اربيعتي مضاايجه فيه
وابو اربيعتي ريال كبير فالعمر ما يقدر يقول شي لامها
معنه حااس فيها ويقول لها اصبري وماادري شو
الصراحه ما اعرف شو اسوي لها
اربيعتي كل يوم تتصل فيني اتصل والله ان قلبي يتقطع عليها
><
الله يعينها الصراحة .. بس .. لو هي اتحاول اتبين لامها انها صج ضايجه على سالفة إختها و حاسة فموقف امها .. يمكن الام تعبانه نفسيا و اتحاتي هالشي و اتحس ان بنتها مب حاسة فاختها المريضة .. فالافضل انها اتبين عن مشاعرها اكثر لامها و اتقول لامها إذا حالة اختها نوعا ما مستقرة انها اتسير يوم تبات تغيير جو و عشان ترفع معنوياتها للدراسة و غيره و غيره و اتييب اسباب ممكن تقنع الام يعني شي سبب مهم بالنسبة للام …
و الله يوفجها ان شاء الله و خل تلزم الاستغفار ..
سبحان الله .. انا بقولج شي لهالبنت يمكن يخفف عنها شوي .. بس بقولها اصبري اصبري .. ياما مرت إجازات صيفية ما كنا نطلع منها مع انه ايام الطفوله كنا ما نقر في البيت من كثر الطلعات.. كنا يوم فالبيت و يوم في المستشفى لين تبتدي المدارس ..و مب بس .. الصبح مدرسة و العصر لين الليل في المستشفى .. حياة سنوات .. و كله ان شاء الله فميزان حسناتها ان شاء الله .. و صدق الي يشوف مصايب غيره اتهون عليه مصايبه .. اهم شي انها ما اتضايج فامها .. و الله يفرج همها ان شاء الله ..
يسرج حالنا ومن يداج .!!
همم هو شي حليين .!!
الحل الاول انه تتدعي لامها .! وهالشي اكييد انتي وهي تقدرون عليها والله يهديي امها .!!
والحل الثااني انه هي ترمس امها بالهداوه -.- يعني تحاول تتفاهم وياها ..
وهاي امها لازم تصبر وما تقلها شي .!! والله يكوون بعونها بس ادعولها بالهداية والله يهديها ان شاء الله ..
وشو يعني انها سوده ولا سمرا
الله يرزقها بولد الحلال الي يستاهلها ان شالله ويعوضها عن كل شي ان شالله
والله لو بايدي شي جان ساعتها
ماعليه خلها تصبر مهما صار هاي امها
صدقيني مافي ام ما تحب بنتها
بس يمكن مرض اختها مأثر في أمها ومخلي تعاملها بهاي الطريقه
خلها تيلس مع امها ويتكلمون بالهداوه
وخلي ابوها يكلم امها مهما صار هو الريال حتى لو كان كبير في العمر
الله يهدي امها ان شاء الله ويحنن قلبها على بنتها
من رايي إنها تتحمل العبء مع أمها شوي …. لأن الأم تمر بمحنة والبنت الكبيرة هي الأقرب للأم فتبيها تكون معاها…
الله يفرجها عليها ويشفي أختها ويحنن قلب أمها عليها،،،،،