اممممم عندي مشكله بين ربيعاتي
عندي ربيعه من 3 سنوات ف المدرسه [ م ]
عادي ارابعها وجي لين الحين وأخر سنه وكنت دايما اتمشى معاها ف الفصحه
بعدين وحده تعلقت فيني يعني قامت تسولف معاي ومادري شو [ أ ]
فهي قامت تي عندي دوم وتاخذني معاها عشان اتمشى معاها
فقامت [ م ] يعني قولوا غارت منها
تقول لي ليش تتمشين معاها وانتي متغيره وماعرف شو
فأقولها يعني شو تبيني اقولها
تقول لي قوليلها مابا اتمشى معاج
بس انا عن نفسي مااحب اجرح يعني مب حلوة اقولها مابا اتمشى معاج
انا عادي اباهم [ أ ] و [ م ]
واحينه [ م ] زعلانه مني مادري شو اقولها
يمكن تعتقدون سالفه بايخه او ماله داعي احط هالسالفه
بس لان اول مره تستويلي هالمشكله ومادري كيف اتصرف ><
هاي غيرة بنات لا اكثر ولا اقل!!
وعادي حبوبه تصير بين كل الربايع
حاولي ترضين كل وحده بطرف ولو انتي مرتاحه للثنتين حاولي انج تقربينهن من بعض
مثلا تقولين لكل وحده انه فلانه تسلم عليج وفلانه تسالني عنج وجي
وبهالمحاوله والمبادره منج بيصرن ربع وابالاخير انتي الربحانه 
الله يوفقج ^_^
وانتي اللى ترتاحيلهااا تمي وياهاااا
واذا ما تبغين تتمشين ويا الثانيه قوليلها واذا تبيين حاول تكونين وياهم هم الهنيييين ^^
شي عادي أختي وبسيط ^^
لا تشغلين عمرج
غيرة بسيطـة بين ربيعاتج لإنهم يحبونج
غير انكم بعدكم صغار ^^
لا توقفين هذي ولا هذي كلكم ربيعات
وحاولي تقربينهم من بعض بالكلام الطيب وتستوون 3 ربيعات
ربي يوفقكم
و عليج السلام و رحمة الله و بركاته
فديتج لا تعورين قلبج مثل هالسوالف مع الأيام تنحل بروحها
كلميها بصراحه و قوليلها إن السالفه عاديه و ما تستاهل الزعل
في أشيا فالحياه تستاهل نفكر و نحاتيها أكثر عن جيه
و الغيره هذي اللي تستوي بين الربيعات طبيعيه فديتج و الكل ضاري عليها
الله يوفقج و يسعدج و يرزقج النسبه العاليه
من ربيعاتي …. ليش هالسوالف بارك الله
فيكم ….
على ايامنا الوحدة عندها اكثر من ربيعة او صديقه و كلنا
كنا شرات الخوات
بس هالزمن يخوف … شو غيره بنت تغار من بنت
أو بنت تغار على بنت
أستغفر الله العظيم