مضااااااايقه والسبب اهل ريلي!@!

انا ابى ادش ف الموضوع وبقولكم اني ما ارمس خوات ريلي وهن ما يحبني لانه وحده من خواته ماخذه اخوي وسوت لي مشاكل وانا انسانه في حالي اول شي خربت اخواني وجلبتهم عليه وعقب خربيت اخوان ريلي ودوم يلتمون ف البيت وماشاالله عائلتهم كبيره وانا اتم ف الغرفه بروحي حتى الاكل اطلب من الخدامه تيبه لي ف الغرفه وهم ملتمين ويسولفون ويضحكون وخوات ريلي يعاملن حريم اخوانهن الثانيات احسن معامله بس عشان يغيضني والله ما تتصورون اتم يوم كامل في الغرفه ما اظهر قبل كنت اروح عند اهلي كل ما ايوون بس لين متى تعبت ااما عن ريلي فهو مصدقني ويعرف ان مالي خص ف المشاكل بس يقول انه اهله ومالي حق ازعل لو كلمهم وانا مش زعلانه من هالشي بس ابى اعرف ليش جيه يعاملوني

الله يعينج اختي … اذا هب من عمتج لا بد من الخوات … سنة الحياه على قولتهم

الله يعينج بس انتي ماعليج طنشيهم وعيشي حياتج

واعتبريهم مب موجودات واظهري من حجرتج لاتحبسين عمرج

وحاولي تظهرين مع ريلج طلعات برع خليهم ينقهرون

بعدين لو تقدرون تسيرون بيت بروحكم اريح لج نفسيا

او كملي دراستج واشغلي وقتج عسب ماتملين

الله يعينج والله
المفروض ريلج يكلمهم ويسوي حد لهاي السالفة
لانه صعبة اتمين بالغرفة طول اليوم محبوسة

خل يطل لج بيت بروحج
ولا هايا لعيشة