حبيباتي
بغيت أتبرع بقط
أو بالأخرى أقدمه لمن ترغب من القبايل
القط يشبه هذا
السالفة
هالقطو هدية من عند ناس معروفين من دبي
مش شوية وايد
أهدوه لبناتي لأنهم كانوا يبون فأعطوهم
القطو شكله مش جذاب علشان ماتقولون خدعتكم
شكله عادي
لكنه فعلا قط ( ——– )
متربي
يعني ماياكل أي شيء الا أكل القطاوه
و يسوي احم احم أشياءه في مكان معين
ينام في مكانه
يحب العائلة وايد
عنده جواز
مطعم تطعيماته ماينخاف منه
و بكون صريحة أكثر
القط صارت له سالفة
قسما بالله مثل الآفلام
وحدة من شغالاتي جديدة
تركت الباب مفتوح
و أنا أسكن في شقة أساساً
فطلع القطو
هالكلام من ثلاث شهور
و دورنا عليه مالقيناه
في الباركنات في الشارع
صياااح بناتي يصيحون يدورونه
مع الشغالة
حتئ الشغالات كن زعلانات عليه
و أنا كلما أطلع تغرق عيوني دموع
لأنه بالليل أقعد في الصالة و اي يقعد عدالي ليما أطفي الليت و أطلعه بأي طريقه علشان يروح يرقد في مكانه
و يحب بناتي وراهم وراهم
المهم أنا احتفظت بجوازه
كلما أشوفه أغتم
بعد ثلاث شهور
أنا كنت نايمة
و تعبانة الظهر
فسويت الموبايل صامت
و الا أسمع حشرة بناتي يصرخون
و اتييني بنتي الكبيرة توعيني أنا و أبوهم في الغرفة
تصرخ
ماما وحدة اتصلت في الشغالة قالت لي عندكم قطو اسمه بابلي ؟؟ تونه و الا ؟؟
و عطيتها العنوان
الحين بتييبه
أنا استانست لوناستهم
بصراحة فرحت
لكن الكارثة أبوهم
تعود على غياب القطو
قال لا ماباه في البيت خخخ
لا مايستوي ياريال هذا هدية بناتك يحبونه
ماشي بناتي ولا كأن أبوهم يتكلم فرحانات
قال لي الحين الحرمة بتي قوليلها تاخذه
بصراحة
زوجي عنده حق
أنا بس كنت أعارضه علشان بناتي
لأنهم حبوه
آولا نحن في شقة مش في بيت أو فيلا و كل يوم الشغالتين الل عندي ينظفون
طبعا مربي القطط عادي عندهم
و أنا ماقولكم العناية فيه متعبة
لكن تحتاج نظافة
شقة يعني تهوية
دخون كل يومين
و هكذا
زوجي انرعج من البداية
ثانيا يخبرني عن قصة وحدة عندهم صارت عمياء بسبب قطو شمخها في عيونها
فخايف على بنته الصغيرة
لأنها ماشاءالله وايد عنيفة
و تسير له الا يلعب معاها بالغصب
عيل هو هادي
اللي أهدونا اياه قالوا لنا بنعطيكم قطو هادي جداااا و أليف
و هو فعلا أليف و حبوب بس مثل بنتي الله يحفظها يارب بروحها تمططه و تجره و تبهدل فيه مسكين
اكمل لكم القصة
المهم
الحرمة اللي يت البيت يابت القطو
أول مادشت
يصرخون
و يحضنونه فرحانيين
الحرمة مع عيالها ولد و بنت صغار و خدامتها فلبينية الحرمة وافدة شكلها بصراحة مرتب و اتيكيت و لبسها كأنها تشتغل في مكان محترم
استحيت أسآلها وين تشتغلين
فهمت سبب فرح بناتي
قالت لي بصراحة أنا كنت رايحة المارينا
و قعد القطو هذا يتلزق فينا
وحليلك وصلت مارينا مول؟؟؟؟؟
تقول: مبين عليه إنه حبوب و أليف و مش مال شوارع
الحمدلله الله طيحه في إيد وحده تفهم في القطاوة و تقولي خدامتها الفلبينية تعرف تعتني فيهم الظاهر كل الفلبينيات جي
المهم
تقول أنا وديته عيادة
الله كتب ان هالعيادة هي نفسها اللي متعاملين معاها
فالظاهر سووا له سكان
و طلعوا المعلومات من شيب في رقبته
فيها اسمه
و رقمي و رقم الخدامة
فقالوا لها هدا موب لج
رجعيه لأصحابه
الحرمة ماقصرت
سوت له شيك
دفعت عنه 150 درهم
طبعا أنا دفعتها لها
و لما يابته لنا كان ضعفان
تخيلوا مش من النوع اللي ياكل أي شي
أكيد يوعان موت
عاد قعد معانا
الحرمة كانت مسبحتنه
و القطاوة مايتسبحون الا في الاسبوع مرة علشان مايطيح شعرهم
و سبحته شغالاتي يعني تسبح يومين ورا بعض
و عمليات تجميل
قص آضافر
و سشوار و حالة
المهم
الحمد لله ردت له صحته
بس المشكلة في زوجي حياتي مايباه موووول في الشقة زاعجنه
كل يوم يسألني
محد يباه؟؟
قلت له بدور بشوف
يقولي شوفي صديقاتج
مارضن بصراحة
وقلت مافي حل ألا أخواتي
اذا بتحلون لي المشكلة
اللي تبا و زوجها أو أهلها مقتنعين و ماعندها مشكلة في تربية القطط و بتتحمل على القطو باعطيها اياه
و اللي مترددة و حاسة انها مابتعتني فيه آو ماعندها وقت أو ماعندها شغالة تعتني مسموحة
لأن مايهون علي الصراحة وحليله
قط محترم تربية و النعم
و الله ما آمزح
و في النهاية براحتكم
أدري طولت
بس أحب الصراحة لأنها راحة
و أنا مسؤولة عن كلامي أمام الله
إن شاءالله ماكون كذبت في كلمة
اللي تباه تطرش لي رسالة خاصة
و ياريت اللي تاخذه تكون من بوظبي
أو مو مشكلة من مكان ثاني
بنرتب أنا وياها
أو بنشوف كيف بتاخذه
طبعا
مع أكله
أغراضه
فوطه 2
قفص ماله
وعاء الأكل و وعاء الماي
لعبة مالته
كل شيء يخصه
و السموحة طولت عليكم
الله يعينج والله
قصة عجيبة
ان شاء الله تحصلين من يكفله
ههههههههههههه
المشاركة الأصلية كتبت بواسطة tmyz 
عادي و الله بوصله لج
بس أكيد يهمج و بتحملين عليه ؟؟
و يزاج الله خير أولا و أخيرا
المشاركة الأصلية كتبت بواسطة أم يزووووي أم يزوي آفا عليج
حتى الحيوانات تبا رعاية
الله يخلي لج العيال و يحفظهم