معقوله في عمات جذا؟؟؟؟؟؟؟؟؟؟؟؟؟؟؟؟؟؟؟؟

معقووووووووله الي يصيييييييير
امسات ربيعتي اتخبرني عن عمت ربيعتهاااا صراحه استغربت فجيت عيني من الرمسه
الله يسلمكم اتقولي ربيعتي انه عمت ربيعتهااااااا عمرها في الاربيعنات بس الي تسووييه اتقولون جنه توها عروس
يوم تطلع تكشخ صح ميكب فل ووو ريحت العطر ياسلام غير جذا ادش نت ومسنجر خخخخ اخاف اتشوف موضوعي خخخخخ
بعد يوم ربيعتها اترمس ريلها اتسحب عنه التلفون واتقولهاااااا انتي شو موعنج هاي الحزة يالله سكي تلفون عن ولدي طبعا ولد مايروم يقول شي لان هاي امه وعلى فكرة هيه مالجه مب معرسه ومن الحين العمه تتحكم في تصرفاتها وحافظة الوقت الي تتصل فيه حق ولدهاااا واي وقت تبي تطلع ويااااه فتتصل فيه امه عسب يطلعهااااااا وماترد الا الليل عسب مايودي مرته والله حاله ….

واذكر ربيعتي ثانيه قالت لي عن عمه وحدة من ربيعتها سوت لولدها عمل عسب يكره مرته ويطلقهااا
ووووشفت كمن وحدة عندها احفاد تكشخ وو عطر وقصه وشيله خفيفه ليش ابي اعرف شو سبب
المفروووووووووض عمات يلتزمون حدودهم خلاص انتي يده الحين
الي عندها بنات خافي الله يوم بيعرسون بناتج بيطيح عليهم كل الي سويته مع حريم عيالج
والي ماعندها بنات مفروض تعامل حريم عيالها احسن معامله موووو اتسير كل اشوي اتسوي مشاكل من بينهم

شو سبب هذااااا والله مب حرام عليهم ليش جذا يعاملون حريم عيالهم؟؟؟؟ ترا بتيب لج بيبي بتفرحج ووبتخدم ولدج من بعدج والله مايحسووووون حرام الي يسونه اتقوووا الله ياعماات
طبعا مااعمم كل عمات والله في منهم طيبات يدشون الخاطر ومايدخلون في حيات عيالهم وحريمهم
ويامشفت عمات زينات وطيبات على نياتهم والله ياريت لو كل عمه جذا

ابي اعرف شو سبب في كل هذا لاتقولون العمه اتغار.. دام جذا لاتعرس عيالها وتقعدهم عندها ابركلها وتفك عمرها من مشاكل وصدعه شو رايكم انتوو

للرفع 13 زيارة مافي حد رد

اعتقد الغيره ..

عموما المرأة ما تحب تكبر .. وتحب اتم صغيره وحلوة وكشيخه..

الحمد لله ما يتني عمه جي ولا جان انتحرت ههههههههههههههههههه

انا يتني ام الحمد لله وشرات امي واكثر ..

بس شرات ما قلت لج هي الغيره من حرمة الولد .. وانها ما تبا تحس انها كبرت وغدت عيوز

^_^

الله يهدي كل العمات يارب عندي وعندهم الخير بس أنا أطنش وما أعطي حد سالفه هههههههههه
قبل كنت أزعل وأسوي حشره ألحين مسويه للموضوع طاااااااااااااااف حقشوه أعور قلبي ما عندي سالفه أهم شي ريلي كيف يكون ويايه…………..

ههههههههههههههههههههههههه عزيزتي انتي الظاهر متعاطفه ويا ربيعتج وهذا شي طبيعي
بس عندي تعليق وأتمنى انج تتقبلينه بصدر رحب

أولا: مع احترامي بس ربيعتج مالها خص اذا عمتها تكشخ وتهتم بعمرها لأني أشوف هالشي زين انسانه تحب تهتم بمظهرها حتى لو كبرت فالسن… يمكن تسوي جي عشان ريلها ونفسها ما تبا تحسس نفسها انها كبرت وعايشه حياتها.. وهذي حرية شخصية ربيعتج المفروض ما تتدخل فيها.

ثانيا: ما أظن في أم ما تحب سعادة ولدها وبما ان الأم هي اللي خطبت حق ولدها يعني أكيد تحب حرمته .. وربيعتج مافي داعي تفسر الأمور بسلبية وتقول ان الأم تتعمد انها تأخر ولدها عشان ما يظهر ويا حرمته.

أنا ما أقول ان مافي أمهات جي بس المفروض ربيعتج تحسن الظن بعمتها ويوم تدخل بيتهم تحاول تكسبها وأنا متأكدة انها بتحب الأم والأم بتحبها.

الله يوفقها ويسعدها، ويسهل عليج الولادة وتقومين بالسلامة

الغاليه مالها خص الكشخه بطبايع ام الريل…يعني اختي مثلا ماشاء الله عليها استوت يده وهي في الاربعينات لانها معرسه صغيره بس مالها خص في حريم عيالها انا اشوف العكس اتعاملهن احسن من بناتها وتبديهن على بناتها حتى…يعني الأمر لايعدو كونه متعلق بالطبايع وكل وحده و طبعها… الله يطيحكن بأم ريل طيبه وحنونه.

اوكي تبا تكشخ حق ريلها في بيته ما عليه بس ما تطلع في الشارع بهالشكل اصلا ما يجوووووووز الله مايرضى سوا كانت كبيرة اوصغيرة
وانتي تقولين تحسن الظن انتي حطي نفسج بمكانها تكلمين ريلج فجأة تحصلينها ما خذه التيلفون وتعصب عليج او ما تخلي ولدها يطلعج او تتحكم بحياتكم وين انيب حسن الظن ساعتها خبروني …

هاي حقيقة والكل يعرفها الام تغار من مرت الولد ليش نقص على بعض بس في عمات والله تحطينهن ع الجرح يطيب

الله المستعان