ممكن الطريقه تراني اترياكم لا تبطون علي
المقادير :
بصل+ طماط ثمر + فلفل بارد + حمص الي بالعلب
وهذي الخلطاه استخدميها ويا اي حشوه وايد حلوه ( دقي ثوم ويا نعناع وزنجبيل وفلفل حار)
الطريقة:
اول شي ظعي الزيت في الجدر وظيفي له البصل ليما يحمر اشوي ظيفي الفلفل البارد وحركيه اشوي
وبعدين ظيفي خلطة الثوم ..
يوم بيستوي ظيفي له الطماط وحركية ليما الطماط يذوب بعيد ظيفي له الحمص بس طبعا بدون الماي الي بالعلبة
بعدين ضيفي ملعقتين طماط المعجون والملح و الكركم والبهارات ( بزار البرياني الكاري)
هذي هي الخلطه.
اما الدياي: فتغسلينه واتقطعينه وفوريه بعدين قليه.
والعيش فورية بس لاتخلينه يستوي وايد يعني اشوي خليه يابس (اشوي مب وايد)
بعدين يوم بترتبينه بالجدر.
1- حطي الحشوة نصها.
2- حطي نصف كمية العيش.
3- رشيه بماي الورد والزعفران ويا الصبغه الخاصه بالبرياني .
4- حطي كمية الحشوه الي بقت.
5- بعدين العيش ورشيه بالصبغه بس اتكون بدون ماي .
6- وحطي الدياي عليه ورشيه من خليط الصبغه ويا ماي الورد
7- بعدين حطي الجدر اشوي على النار وتكون النار هاديه جدا عن يحترق العيش.
وبالهنــــــــاء والشفـــــــــاء
افا عليج انا بعطيج
برياني هندي من قلب …
تاخذين جدر عوود وتحطين فيه اللحم او الدياي
وتصبين عليه روب 2
وتحطين ثوم وزنجبيل مطحون
وتحطين مسمار + دارسين + هيل
وتحطين كزبره مقطوعه + نعناع مقطوع
وتحطين فلفل احمر + كركم + فلفل اخضر مقطع
وتحطين زيت
وتخلطينه عدل بايدج … وتخلينه ساعه …
وبعدين بعد ساعه تحطينه على نار .. حتى ينضج ..
وانتي تحطين الجدر عالنار .. تفورين ماي للعيش ..
والماي تحطين فيه دارسن + هيل + مسمار + زيت شوي …
من ما يفوور الماي تصبين العيش عليه وتخلطينه خفيف جدا ..
وطبعا تراقبين خلطة البرياني بعد .. تشوفين اللحم او الدياي نضج والا لا …
وبعدين بتشوفين الماي مال العيش يفوور طبعا العيش داخله .. وتشخلينه ..
وتصبين العيش بدون الماي طبعا على الخلطه .. ولازم تكون الخلطه جاهزه يعني اللحم ناااضج او الدياي طبعا ..
بعد ما صبيتي العيش عليه .. ما تخلطينه تخلين الخلطه تحت وفوقه العيش ..
وتخلينه على ناار هااديه جدا .. وتغطينه
وبعد نص ساعه بتشوفين دخان يطلع من الجدر .. وتصخين العيش بايدج .. بتشوفينه استوى
ان شاء الله فهمتي الغاليه … وتقدمينه للزوج ^_^
واي سؤال انا حاظره ..
والسموحه حبوبه
ملحوووظه : الفلفل والكركم يعني البهارات تحطينه على حسب الرغبه … اما الروب علبتين
بالهنا والشفااااا
هذارابط طريقة أختنا الريم الغزالي مع الصور وإن شاء الله يضبط معاج
https://www.uaewomen.net/showthread.php?t=15611
فاخرة
كل يوم بسوي طريقة وحده من الاخوات شكله واااااااااايد حلو