من بريد المشكلات المشكله الـ

انا مخطوبة من شخص ماعرف عنه غير اشياء سطحية ونا طبعي خجول جدا ..وربي يشهد يا بنات اني لما ادعي ربي ادعي انه يرزقني زوج صالح تقي يعيني على طاعة الله وعبادته.. والمشكله ماعرف اذا هو يبغاني ولا اهله فارضين عليه .. لانه ما يجي بيتنا ولا طلب يشوفني وعرسي قريب بعد كمن شهر واحنا بعايلتنا ما نسوي ملجة على طول عرس .. هذا اللي اقولكم عليه مقدور عليه ومش مشكله بالنسبة لي .. ولكن الطامة اني عرفت ايميله بالصدفة وحتى رقمه ..وجربت افتح ايميله وفتح عندي وبالصدفة بعد يمكن ربي يبى يكشفه ماعرف مع اني كنت متردده كثير قبل لا افتح الايميل لانه تعدي على خصوصية بس ما قدرت امنع نفسي والله يا بنات يوم شفت الايميل كنت بموت من الصدمة وقعدت ارتجف ولين يومكم والدموع في عيني ما تجف حطيت امال وامال على هالانسان لكن طلع واحد يدخل على مواقع اباحيه ومسجل في اكثر من موقع بتقولون انها محظوره .. نعم هي فعلا محظورة عندنا بالدولة لكن صاحب الموقع يطرش له بين كل فتره وفتره صور بنات ( استغفر الله) واشياء ثانيه اخجل اقولها .. بتسالون اهلج ما سالوا عنه .. سالوا عنه قالوا انه انسان محترم وخلوق ومتحفظ وغير هالكلام وطبعا الناس ما تعرف شو يسوي في غرفته وجدام الكمبيوتر .. قلت في خاطري يمكن هاي اشياء قديمة لانه مب فاتح الايميلات ماعرف يا بنات شو الحل اصارحه اطرشله ايميل اواجه شو الحل .. لاتقولون اقول لاهلي مستحيل اشهر فيه وافضحه ويمكن تكون اشياء قديمة .. تعبت من التفكير .. ربي يجزي كل خير لمن ترد ولو بدعوة ( الله يهديه)