بدش بالموضوع ع طول ..
وحده من البنات عندي في الجامعة .. البنية طيبة وحبوبة وع نياتها .. بس من صغرها مسوية علاقات ويا الشباب الحين هي 21 سنة .. من عمرها 15 سنة وهي ترمس فلان وفلان وتطلع ويا هذا .. وهذا تركب عنده .. وغيره ترقد وياه.. سمحوولية بنات ع صراحتي!!
بس هذا الواقع .. قلبي يقطع عليها .. حراآآآم .. البنية بنت عرب وناس معروفين .. هالاشياء لي تسويها ماتسويها في الخفاء .. عني كل حد يعرف علومها !!
انا ارحم شيبة ابوها المسكين !! كم مرة اهلها زخوها كم وكم!! بس خلاص صارت هاي عادة عندها !!
المصيبة انها ماترمس واحد ولا اثنينة .. اعدادهم ماتنحصى وبلسانها تقول يعني محد متبلي عليها !! وصورها عند فلان وعلان!!
انا خايفة عليها من هالشباب .. الشباب ذئاااب مايحشمون حد!! ولا يرحمون بنت تروح لهم بارادتها!!
قوليلي شو الحل ؟؟
لاتقولون نصحيها لنه انا وغيري تعبنا من كثر ماننصح ونخوفها من الامراض لي يبونها الشباب!! و الفضايح!! والمشاكل!! بس ماشي فايده!!
هي ناسية ان وراها حساب وانها مش صغيرة !! وانها شايلة شرف عايــــــــــٍـٍـٍـلة كامله!!
انا فكرت في خدمة الامين.. بس ابا اعرف تجاوب اي وحده من البنات ويا هالخدمة!!
يعني في بالي اني اتصل لهم واقولهم القصة وهم يوصلون سوالفها لاهلها باي طريقه!! لان الاهل لو دروا وعالجوا الموضوع!! اخير من انه تطيح في يد ولد حرام ويلعب فيها ومب بعيد يقودها للدعارة ..!!
انتو فاهمين عليه ؟؟
اهلها ناااااااااس حشااااااااام والنعم وخوانها ماعليهم كلام وخواتها سمعتهن طيبة!!
يعني حراآآآم شرف العايلة يضيع بسبتها..!!
شو رايكم في خدمة الامين؟؟
اتريا ردودكم
االله يهديها يارب
يعني صح في بنات يغلطون .. بس اظعف الايمان يكلمون واحد .. ومايظهرون ولا يكلمون عشرين واحد
يعني سوري بس لو وراها رياييل مابتسوي جي ..
ودام هي ماخافت على عمرها انتي ليش تخافين عليها
انا انصحج ابتعدي عنها ومب لازم تحتكين فيها
لانه سمعة البنت من سمعة ربيعتها
والسموحه
الله يهديها..
ماعرف بصراحة ..
الصراحه ما عندي فكره عن خدمة الأمين .. بس ياختي هي مب ياهل و عقلها في راسها
يعني تعرف شو قاعده تسوي و لا بعد تجاهر بالمعصيه ..!!
لانج تحبينها اكيد بتخافين عليها من الشباب و اللي رظى ع نفسه و رمس وحده شو ممكن يكون يعني؟
اكيد ما يبون الا يشبعون رغباتهم و بس !!
بس بعد لازم تخافين على الشباب منها .. هي تلعب مع كم واحد .. و ما تدرين يمكن قاصه ع حد و تقوله انه تحبه و ما تكلم غيره وووو و تعلق فيها مثلا
انا بس اقولج انه دام انها تجرات و رمستهم و تجرات و تقول انها ترقد معاهم و تطلع معاهم .. هي اللي ممكن تتبلى عليهم بعد .. مب بس هم اللي ممكن يتبلون عليها !!
على العموم اذا انتي خايفه على شرفها و على شرف عايلتها .. خافي على شرفج و شرف عايلتج اكثر
مالج غير النصيحه و اذا شفتي انه خدمه الامين ممكن تنفع قوليلهم و خلي الباقي عليهم .. و انصحج تبتعدين عن هالاشكال ..
و الله يهديها …