من سوت عمليه تصغير المعده

هلا خواتي كيفكم حبيت اسالكن من سوت عملية تصغير معده في توام او مستشفى النور لاني اريد اسوي العمليه بس متردده وهلي مش موافقين ولا ريلي بلييز ماعندي غير هالحل لاني كل ما سويت رجييم بعده بفتره ازييد وايد عن وزني وانا ما اقدر اتحكم بشهيتي بلييز الي عندها معرفه عن اي حد سوا العمليه تعطيني معلوملت واتواصل معاها

فديتج .. سويها في توام وتوكلي على الله ..

توام يسوونها بثقه اذا كان معدل كتلتج فوق ال40 .. بس الله يعينج عالمواعيد .. اظن لو سرتي الحينه .. مواعيدج بتكون ع شهر 4 وفوق .. وطبعا بين كل موعد وموعد فتره

بس لو عندج امكانيه .. سويها في النور .. اظن يسويها الدكتور عبد السلام ماعرف .. ب40000 درهم
بس ما تأخرين فالمواعيد لانه ع حسابج الخاص ..

وان شا الله افدتج ..

ياختي مسألة الولاده والوزن كلنا نعاني منها ..

خواااااااااااااتي الي سوو عملية تصغير معده ماحد رد غير وحده ببببببببببليز الي سووها وين سويتو العمليه وشو النتايج وهل بعد العمليه مارستن حياتكن طبيعي بليز اريد ردود

هلا الغالية
انا سويت عملية ربط معدة عند البروفيسور ترابي في مستشفى توام مب تصغير معدة والنتايج ماتتخيلين قد شو حلوة ووزني مازاد ابد بالعكس كل مايينه الوزن ينزل بس صح انه بطيء بس بشكل مرتب ان الجسم مايتعب ومايسبب اضرار اما بالنسبة لمستشفى النور عني انا مانصحج لان كم وحدة اعرفها سوت عندهم وتلعوزت وشي ثاني تراهم فتحوا مركز للسمنة بمستشفى المفرق والدكاترة اللي فيهم هم الوحيدين في العالم اللي عندهم عمليات تجميل المعدة منهم بروفيسور ترابي وهو معيد في جامعة العين والدكتور علي بعد موجود في مستشفى توام وبعد دكتور اجنبي هذيله هم احسن الدكاترة على مستوى العالم يعني مايعرفون يسوون شي الا في المعدة تخصصهم هذا وانا بصراحة انصحج تسوين اي عمليه خاصة بتنزيل الوزن عندهم لان صدق يهتمون ورعايتهم مافي اروع عنها في مستشفى توام
الله ايسرلج واتمنى اني فدتج

وايدات مسوينها دوري فالمواضيع بتلقين تجارب شكثر