من يعرف هذا الشاعر- قصيده وقصة الحظ العاثر

البارحة ونيت والناس ممسين
راعي الهوى مسكين ما يمتسيله
يالابتي قلبي خذوه المزايين
درب الهوى راح ابن قحطان فيها قتيله
في شارع الريل شفتلي ثنتين
اوصافهم بين الخلايق قليله:1 (39):
الاوله فيها جمع ربي الزين
مركوزة النهدين بيضا جميله
ملبوسها من غاليات الفساتين
ومن الذهب شالت حمول ثقيله
والوجه مثل القمر ليل عشرين
تنشاف ولوحطت ثلاثين شيله
والخدود مثل ورود البساتين
ويش الحرير اللي قليل مثيله:1 (33):
والثانيه سمرا عذاب المحبين
تسبي عقول بقامة مستقيله
تمشي دلع وتنوع الفن نوعين
كودي عليها دربها تستويله
في عينها اليمنى حروب وسكاكين
وفي عينها اليسرى سيوف صقيله
سلمت قالت واحده منهم اهلين
والثانية تضحك وروحي عليله:1 (58):
قلت ارفقوا بالناس ياذا المزايين
كم واحد منكم شكى كل ميله
تكفون ياللي بالمواقف بخيلين
ماتقبلون الضيف لو كان ليله
قالت لي السمرا ترانا عزيزين
ولاتعترض بالدرب عابر سبيله
ولاتكون من الشباب المجانين
مهما تحاول ما يجيلك وسيله:1 (19):
قالت خويتها ذبحناه مسكين
ولو كان خليناه يا عزتي له
تلفتوا يمي وقالوا على وين
وراك تتبعنا وعينك طويله
ان كان عندك للموده قوانبن
وقلبك نظيف ما نواله بحيله
خلاص قلنا موترك فين
عطنا تواصيفه وعطنا مديله
قلت اعذرني موتري قبل يومين
بعته ولا فكرت في عازتي له:1 (78):
لاشك ناخذ تكس ونروح ذا الحين
وايت مكان ترغبونه نجيله
قالوا فمان الله نلقاك بعدين
حكاية التكسي علينا فشيله
نخاف من حكي العراة الملاعين
اللي يخلون الدقيقه جليله
دور تلاقي واحده طبعها شين
من كلمة الواشين ماهي ذليله
واقفيت وانا اصفق عليهم بكفين
راعي الهوى مسكين ما ينتسي له:1 (49):

لا هنتي على النقل المميز

وصح لسان شاعرها

والقصيدة للشاعر محمد الصقور

لا والله رد سريع
لاني حافظه القصيده من 15 سنه وما اعرف الشاعر

وعلى كذا برسلك القصايد اللي انا حافظتها كلها وتقولين لي الشاعر

لاهنتي