بدخل بالموضوع على طول انا من قريب مربية يعني من كم شهر و ربيت بعملية قيصرية
و الحمدالله اموري كلها تمام و مافكر احمل اللا بعد سنتين ان شاء الله
الحين انا ابغي ابدا اخذ علاج للحبوب لانها بهدلتني و انتشرت بكل جسمي و تعبت و الله من الادويه و الكريمات و الخساير ، فطلبت من الدكتوره تعطيني الروؤكتين بس قالت لي لازم اخذ معاه حبوب منع الحمل و لكن المفاجأه ان دكتورتي النسائية منعتي من حبوب المنع قالت لي انها ممكن تسبب لي حالة
عقم مبكر 
و ادخل بعد سن اليأس و انا توني بالعشرين
المهم قلت بسوي لولب و الحمدالله فحوصاتي كلها تمام و اتريت الدوره اتيني عشان اركبه
المهم الحين سرت مره ثانيه افحص و طلع عندي تكيسات و قالت لي دكتورتي ابدا علاج عادي بدون
مانع اونه التكيسات مستحيل احمل عليها ؟؟؟
بناااات الله يخليكم حد عنده فكره و اللا يقدر ينصحني شو اسوي ؟
ابدا اخذ الروؤكتين و اللا لازم مانع حمل ؟
ودام ان دكتورتج قالت لا تاخذين حبوب حمل خلاص اجلي فكره انج تاخذين الحبوب لين بعدين
يعني لين يتحسن وضعج ..
التكيس مايمنع الحمل بس ممكن ياخر وممكن لا ولاتنسين ف النهايه اللي ربي كاتبنه .. ف اذا ناويه تاخذين الحبوب لازم تمنعين منع طبيعي او لولب او اي شي لاني سمعت مب زين تحملين وانتي ماخذه روكتين
و بالنسبة للتكيسات الي فيج مب مانعه للحمل بس ممكن تاخره و وايد بنات اعرفهن حملن و هن عندهن تكيسات
الافضل تركبين لولب او اي اسلوب ثاني للعزل و ربي يعينج
لكن شو اسوي و هذا كلامها الحين انا ينزل علي دم مثل الدوره بس خفيف يعني سوري عالتعبير بس استخدم الكير فري موب برايفت ،،
و الحين هالشي من 3 اسابيع والغريبه فالموضوع انه قبل لا ايستوي هالشي باسبوعين كنت مراجعه
و ماكان عندي لا تكيس و لا اي شي و بالسونار مبين ان المبايض و البطانة تمام مافيهم اي شي
ماعرف كيف صارت لي تكيسات باسبوعين بس
اذا حد يعرف دكتوره عربية شاطره فالشارجه يدلني عليها و بميزان حسناتكم ان شاء الله