منو مجرب الأبرة لمنع الحمل

اشحالكن بنات
توني مربية صاري تقريبا عمر خلودي ثلاث شهور الله يحفظه
وكان عندي موعد في مستشفى توام عند الدكتورة عسب اتخبرها سو أسوي من مانع فقالتلي ما عندج غير الحبوب والابرة واللولب ما ينف معاج
لانه بعد ما حملت وربيت واللع رزقني بنية حلوة الله يحفظها بعد
قلت بركب لولب وركبته
بس بعد فترة صارلي حمل خارج الرحم عشان جذيه قالتلي مايناسبج
وقالتي بتعطيني الابرة وخذتها
الامور اوكي هنيه يتني الدورة والحمدلله
بس الشهر الثاني ما يت
وعندي موعد عشان اضرب الابرة الثانية

فابى اي وحدة ضربت او سمعت حد ضرب وشو ناسبتها والا لا وشو سوتلها من أضرار
والسموحه منكم

ما ادري فديتج والله ما جربت

ان شاء الله اللي جربت تساعدج

أول مرة أسمع بها؟؟

عند منو من الدكاترة دخلتي في توام
؟؟

عند دكتورة اسمها دورا

انا بعرف انه في ابر بتناخذ كل 3 شهور بس طبعا ما جربت لاني لسا في اول حمل وان شاء الله بعد الولادة بدور على الوسيلة المناسبة الي

مرت حميه خذتها اول ما خلصت الاربعين كل ثلاث اشهر وماتشوف الدوره لمده سنتين وقفت الابره ولارضت الدوره تنزل
ما خلت حبوب لتنزيل الدوره وما بلعتها سوت تحاليل شامله وما طلع فيها شي بس الدوره ماراضيه تنزل الحين كملت ثلاث سنوات وهي على هذا الحال من عياده لمستشفى ومافي فايده وكله تشتكي من الصداع من يوم خذت الابره

يقولون تسبب عقم وسمنه

خوفتوني
بس يمكن كل واحد على حسب طبيعة جسمه
لانه ربيعتيه خذتها صح تاخرت الدورة بس يتها الدورة وعقب بثلاث شهور ماشاء الله حملت روبت