السلام عليكم ورحمه الله وبركاته ..~
شحالكم عساكم بخير ..~
خواتي الموضوع مبين من عنوانه .. بس يعني حبيت نغير جو شويــه 
يعني كل وحده تقولنا شو اكثر المواقف للي تستويلكم ويا عربات السوق وخاصه كـــارفور >>> دومهن عله حسبي الله على بليسهن
ودوم مانطيح الا على الخربانات واليداد محد ايي صوبهن ولله الحمد
المهم انا ببدا .. واترياكم من عقبي :
امس كنا رايحين نشتري لرمضان من الجمعيه " عطاري رمضان كل عام وانتو بخيير وينعاد عليكم كل سنه وكل حول ان شا الله "
المهم نرجع لموضوعنا .. طبعا اول مشكله صادفتنا ان ماعندنا ربابي عشان العربه وبطلعت الرووح وعقب تفتييش وحفر عمييق فأعماق شنطه امي لقينا وقتلهم شكلهن عربات اليوم بطلعن نحساات >> كالعاده
المهم انا خذت عربه واختي خذت الثانيه وانطلقت مثل الصاروخ ورا امي وانا بس رديتها ع ورا شوي
سوت صـــــــــــوت فظيع وعاالي وكل اللي ورااي طالعوني لان كان صوتها عالي ويعور الاذن بعد
قلت : ايوااا بديــنا
ودخلت الجمعيه وانا اسمي عليها واقرا قران خخخخخ لا يكون فيها يني ولا شي
وبدت الكارثه يوم امي تحط ف العربه اللي عندي واختي الذكيـــه ساحبه عربتها بعييييد ويوم نوقف تحط عربتها بعيييد وتي تتنقا ويفروون فعربتي على اساس ان عربتها تكون خفيفه
وعاااد يلا يتشروون لرمضان يعني يحسبون ويانا قاره افرييقيا كلها اوين ما يبون شي ينقص ويرجعون فرمضان يشترونه وبجذيه استوت العربه ثجيييييله ولا تنسحب الا بنجال
ولا رمت اسحبها والوييلات اللي تسوييهن ماشاالله يعني حتى لا تعليق
هذا من غير ويــلات اخواني بعربه اختي الفــاضيه تقرييبا .. خخخخ لطفو جو كارفور بالوييلات
خخخ يستقبلوون رمضاان بكل حماس وحب ووفاء وصدق شفتو نحن نحب رمضان
وهم يلعبون وانا ادعم النــاس وعرب الله وماخليت حد بحاله حتى اليهال وعربات العيال الصغار
مسكينه والله .. كرهت كارفوور ذاك اليوم فشله والله حتى الرياييل دعمتهم ><
ولا مره خطفت من عندي حرمه اجنبيه او وافده مادري ويلست اطلعني بكل شفقه ورحمه ع اللي انا فيه
واطالع اللي وياي وتقول ليش مايساعدونها .. ماتعرف ان اخواني الصغار مشتغلين تفحيــط عقولتهم
واختي مشغوله تلم حلااوه .. ومستحيل اخلي ماما تير العربه
بس والله كرهت عمري هذاك اليوم حسيت ان الكل يطالعني يوم امشي وخاصه يوم ألـف عــاد
أخبـر الكل اني لفيت يعني لو الشباب ياخذون وياهم عربات كارفور ويلعبوبهن احسن الهم وأأمن
من السيااره يعني ماتسب اي وفيات ولا اصابات بس يمكن للنساء تروح عباتهن مسكينات من تحت
وبث
يلا عاد الحين دوركم وابا موااقف موااقف خخخ من كل الانواااع ..
وبالبركة عليج وعلينا وع كل عضوات سيدات الاماارت
كارفور ما اداني عرباتهم
دوومها تلمس ..
والله اني مرات على وشك اني اطلع الصرخة بس انتبه لعمري عقب
ومرات اصرخ بصوت خفيف والي صوبي يسمعون
بس الحركة اللارادية طبعا الكل بيشوفها ..
صح ما يسمعون صوت الصرخه بس يشوفون ردت فعلي .. من اللمس
عقب اشوف حد انتبه علي .. مرات يكون هييه واشوف نظرة الشفقة منهم .. وحد اشوف الابتسامة والضحكة على ويهه .. وارد واقول بخاطري ياينكم الدور عربات كارفور اغلبهم جذه خخخخ
مرة حطيت في عربه ريال .. وكانت وياي اختي ويلا عاد نسحب العربة نبغي نطلعها وندخل كارفور وانا اسحب واسحب وهيه مب طايعه ويت اختي تسحب وتسحب بعد ما قدرت
بالاخير قلت تزووول هييه الا ريااال
جان اسير احط ريال على العربة الي صوبها وسحبتها
ولا صدف ان وراي شيبة مواطن ويشوفنا ما اشوفه الا يسحب العربة الي ما طاعت تطلع لنا بكل قوته ويقول صدق حريم ورقيقات .. خخخ
فشله
بس دفع بلى هالدرهم الي راحت له
خخخخخخخخ
انا بخبرج عن الترولي اللي فسبلاش
كنت سايرة انا وخواتي نتشرا من هناك…وسحبتلي ترولي بروحي وخواتي خذوا لهم وحدة
المهم طلعن الترولي خربانات يالله يالله نذزهم بالقو ومايتحركن غير شوي ويفترن ع صوب
المهم تميت فحاله العذاب هاي لين خلصت شرااا
وعقب سرت قلت للفلبينيه اللي تشتغل هناك this is stupid trolley>>>صبااح الخير توج ذكرتي تخبرنها هع
المهم جان تضحك وتقول هيه ….اذا تبينها تمشي عدل اسحبيها بالمقلوب
قلت لها مابسحبها بالمقلوب الناس بتقول هاي خبلة ماتعرف تدز ترولي
المهم عقب وهقت خواتي فالترولي وشردت عنهن وخليتهن يحاسبن وعقب ييت هع
وهاااااي سالفتي
من يوومي وانا اكره عربانات كارفور الجداام ((قبل لايغيروونهم طبعا)).. يووم من الايام كنت ساايره سوبرماركتيه المفضل واللي استمتع فييه الصراااحه .. تشرينا اغراض من تحت وبنسير نكمل اغراض فوق ونحاسب كالعاده .. كنا ماخذين اغراض ثقيله شوي .. تخييييلوو شوو صااار.. وانا رااكبه الحين وميوده العربانه بنزل من السلم المتحرك فووق والااااا تععععلق وترد على بطني اخخخخخ والله يعووور وانا اددددز ومااافيه فااايده ويا السكيورتي الله ييزييه خيير وساعدني .. والله مااااااااا انسى هاليووم .. تم بطني يعورني كم يوووم .. الحيين لووو الموووت وشوو يستوي مااا ادز لو شاله اغرااض شوي بس خلاص تعقدت .. والحين لو تلاحظوون لاازم السكيورتي يتريا فووق لان واايد صارت ويا نااس ..
وبثثثث ^ ^
انا وريلي رحنا كاارفور وكانت اول ايام اللي يحطون الدرهم بالعربه
ونحن طبعا ما نعرف
وشوووو صاااااار
طبعا ما عندنا دراهم وما كنا نعرف ان شي مكينة بو خمس واتطلع دراهم
ريلي الذكي شو سواا حط مفتاح حجرتنا مكان الدرهم و طلعت العربة
ورحنا نشتري وخلصنا ورحنا صوب السيارة وحطينا السامان
ونسينا المفتاح في العربانه ><
وجاان نقول للهندي ويطلع المفتاح ههههههههههه
وعطاري اللمس من العربااات هااي دووم علامه الجوده فعرباتهم ههههه
ومشكورات خواتي ع الرد ونتريا باقي البنات ..