موقف ماخلاني ارقد طول الليل

السلام عليكم
ما بطول عليكم بس شو رايكم بهذا الموقف الخايس اللي مريت فييه

المهم

كنت في قاعه الامتحان ويا واحد من المراقبين شال تيلفون ويبا يشوف حد يالس يغش بسماعه ولا لا المهم تم يدور وشك بالبنات اللي جدامي وفتشوهم ما حصلو شي عندهم وانا كنت وراهم ومايو صوبي وعقب ما روحو ربعي وتمينا كمن بنيه في القاعه المهم ظهرت انا ويوم ظهرت رد زقرني جان اتقولي المراقبه يالفلانه انا ما هقيت انج اتغشين وانتي طالبه ممتازه قلتلها شو قالت ؟؟ قالت من ظهرتي اختفت الذبذبات قلتلها وشو قصدج انا تعالي فتشيني وقلتلها وانتي اتعرفيني ان انا مب من هالنوع قالت انا هالمره بطوفها قلتلها لا اطوفينها اكتبو علي تقرير على شان اتشوفون اجاباتي مب ايجابات وحده غاشه …قهرتني اتقولي بطوفها اقوللها دكتوره انتي اتشكين فيني قالت ليش البلوتوث شغال قلتلها يايه متاخره ونسيت اغلق التيلفون ولين الحين حاطه في بالها اني غاشه لا والمشكله انها بدرسني الكورس الياي كنت ابا اشتكي عليها بس قالولي خلاص طوفيها شو رايكم انتو…
اطوفها؟

الله يسامحها … كيف تشك بدون دليل … لاحول ولا قوة الا بالله … عليج بحسبي الله ونعم الوكيل

لا تسوين عداء بينج وبينها .. بس حاولي تثبتين براءتج
لانج اذا طحتي في مشكله وياها صدقيني بتتلعوزين وياها طول الكورس

يااختي الواحد يبتعد عن الشبهات

وهم كانوا شاكين مثل ماقلتي لانه في تذبذبات

ويوم روحتي راحت

يعني من عندج عسب جيه شكت فيه

كان لازم تغلقين التيلفون

بس ربج كتب انتي اهم شي لا تضايجين عمرج

وروحي لها المكتب واتفاهمي وياها بهدوء لانها دكتوره

وبدرسج الكورس الياي حرام تخربين على عمرج

لاااازم تتصرفين ياانج اترمسينها وتثبتين لها انج ماتغشين لانها بتحطج ف بالها وبتحط العين عليج الكورس اليااااي
لاتسكتين عن حقج