نصائح منا إليكم حول مواضيع تتعلق بالضيافة و الطبخ

السلام عليكم و رحمة الله و بركاته

عزيزاتي

كثير منا تدور في باله العديد من الاستفسارات و الاسئلة حول الطبخ و الطريقة السليمة في استقبال الضيوف

فتحت هذا الموضوع لولعي الشديد بكل ما يتعلق بالطبخ و الضيافة بشكل عام

معلوماتي كأحد الشركاء في لا فيتا مستقاه من العديد من القراءات و التجارب اللي مريت فيها
بالاضافة الى ولعي بكافة المواقع الاجنبية و العربية المتعلقة في هذا المجال

و عليه فقد قررت ان اساهم و لو بمجهود بسيط في محاولة جعل هذه المساحة منبعا للمعلومات المفيدة و الارشادات البسيطة التي قد تساهم في حل العديد من الطلاسم الغير مفهومة في عالم الضيافة و الطبخ

متمنية من الله العلي القدير أن أكون عند حسن ظنكم في طريقتي المبسطة و المسهبة في شرح المواضيع

اختكم

أم شيخة

مجتمع الامارات من المجتمعات المعروفة في الكرم و حسن الضيافة و ما اظن في بيت من بيوتنا ما صارت فيه عزيمة

الا ما يكون في حد من اهلج او حتى انتي عازمين ناس عندكم في البيت او ايونكم ضيوف او تكون عندكم مناسبة تعرفون انه بيتكم بيكون مليان زوار

غالبا ما نحتار و ما نعرف شو نسوي

كلنا مرينا بهذا الشي

و علشان تكونين انسانه منظمة و ما يفوتج شي في حسن الضيافة لازم ترتبين حالج

نبدأ:

اول شي حددي عدد الضيوف و مكان العزيمة
الافضل لو تعرفين قبلها بكم يوم عشان تلحقين تتصرفين

تلقين نظرة سريعة على المكان و تشوفين هل محتاج اي اضافات؟ هل محتاج اي تنظيف او تجديد
سوي لستة للمكان
تنظيف + ترتيب + اضافة كراسي او كنب اذا العدد كبير + اضافة ورد + العطر و البخور + التجييك على الحمام عزكم الله و اكسسواراته
باختصار كل شي له خص بالمكان

بعدين العدد و الضيافة نفسها
دايما يوم تعرفين العدد تحددين كمية الاكل و هذا شي مهم عشان ما تسوين شي قليل و ينقص او شي زيادة و ينعق و هذا اسراف الله يعقب عليه

شوفي اعمار اللي يايين او حتى اطباعهم
اذا حريم كبار مثلا اكيد يفضلون الاكل المحلي
اذا وسط يفضلون الاكل المكس
اذا رياييل في الغالب عيوش او شي ثجيل
اذا شباب اللكل السريع و اليديد
اذا يهال خفايف

اما اذا ناس ما تعرفين طبعهم فيفضل الاكل المكس من كل ما سبق

الترتيب في التقديم
مهم جدا تجهيز الصحون و الاكواب و الاستكانات و كل شي له خص بالتقديم قبلها بيوم عشان ما تتلعوزين

تبدين بالعصير و المكسرات

بعدين تعزمين على السفرة
البداية مع السلطات و المقبلات
بعدين الاطباق الرئيسية
و لاتنسين الماي و العصير و المشروبات الغازية

الحلويات خليها بعدها بشوي لين تشيلون السفرة مال الاكل و ترتبون المكان
ترتبين الحلويات
المشاريب مثل القهوة و الشاي و الماي

و اخر شي قبل ما يطلعون ضيوفج لا تنسسين العطر و العود و الدخون

و ان شاء الله ما بتسمعين غير هاك المديح الزين على حسن الضيافة
و بيقولون فلانه ما قصرت

طبعا انا باتريا تعليقاتكم و استفساراتكم في هالمجال

مشكووووووووورة يالغلا عالمعلومات الحلوة …

والله يجعل بيوتنا عامرة بالأفراح و المسراات ^_^

للرفع

الله يسلمج

و حاضرين لأي استفسارات

تسلمين اختي

لي عوده