شحالكم بنات
انا اليوم بقول لكم كل شي عني
ممم اول شي انا بنت عمري 15 بدش ان شاء الله هالسنه الـ 16
الحمدالله نجحت ونسبتي 85,6 < أنا ارابع وحده مممم هي موب اوك بس طيوبه يعني ترمس شباب بس كله ع المسن يعني ماشي فون او شي وجي بس ماتطلع وياهم وهي شكلها طفولي وبرييء وفالباص ماتلبس الشيله ابد انا احاول انصحها وجي بس ماتسمع الكلام وانا صراحه اختربت بسببها وصرت اكلم شباب وجي بس اخر شي تبت والحمدالله ودرتهم وماصارو يهموني وهالبنت رسبت هالسنه وانا صراحه مابي اتركها ابا اتم ارابعها ويعني هي كل شوي تسألني انا اللي خربتج صح وجي انا اقول لها لا ومايخصج وانا احسها ان شاء الله بتودر هالشي هي بدت تودرهم الحينه كانت ادش مدونة فيها كله شباب وجي بس حبت واحد فيهم ومتعلقه فيه وودرت المنتدى بس هي ضافته وياها فالمسن وهالريال مافيه عيب يعني يوم يسولف وياها مايقول لها كلام وصخ او سب بس يبي صورها ويحن انا هازبتها اذا طرشت له صوره ويوم يطلب منها صوره انا اطرش لها صوره من النت عسب اتقول انها هاي هي وعقب هو يصخ هو يباها وقال انه بيخطبها لو خلص وصراحه انا احسه صاددق وياها وهي شكلها هالفتره بتووب > عطوني رايكم
مممم وصراحه انا انسانه احب ولد عمي وجي هو يعرف بس مايعطييني وييهه مول يعني هو يوم شافني هو ولد عمي الثاني سألو بنت عمي هاي منو وجي بس مايهتم لي وايد لانه مخترش ويا ربعه خريشش , , وجي , وربعي نصهم مخطوبين ويوم يسألوني عنه ه قالج شي مني مناك انا ايلس االف لهم قصص انه ييكلمني وجي ><" وهم يفرحون لي بس انا اكتم في داخلي عسب مابا انحرج جدامهم ابا اكون مثلهم بس الله كريم وجي وانا بنت عمي قالت لي فالعرس ان في وحده من ربعها سألت عني وعن عمري وجي بس وبنت عمي هاي تعرف اني احب ولد عمي ومابي غيره واخو بنت عمي هاي امه اتقول له دووم اخذ فلانه … … اللي هي انا بس عقب بنت عمي خبرته اني احب ولد عمي اللي هو يكون ربيعه وتفهم الموضوع وجي عقب رحت عرس وكانت بنت عمي الثاننيه موجوده فالعرس انا ما اعرفها وايد ولاتعرفني لانهم هم مايتواصلون ويانا وايد وماشاء الله عايلتنا وايد المهم كلمت بنت عمي قالت لها انا عيبتني فلانه واباها لاخوي وبخطبها وجي والريال عمره 24 وانا 15 بنت عمي خبرتني وجي وانا قلت لها مابا غير فلان وجي
>> خخخ ادري لعوزتكم
وممم انا مقصره ويا ربي وآآآآآآآآآآآآآآآآآآآآآآآآآآآآآيد والحينه رمضان ياي اللهم بلغنا رمضان وناويه اتوب وان شاء الله ما اودر ولا وصلاه ولا اهجر القرءان وناويه
اختمه اكثر عن مره > إدعولي
وانا اتعب من جو البيت يعني كيف اقول لكم
ممممم انا اخت لـ 12 > ماشاء الله
كلهم معرسين ماعدا انا واختي الاثنين من البنات
واخواني الـ 4 من الأولاد في منهم بعدهم ع الزواج وجي
انزين انا اقوم الساعه 2 او 3 العصر احاول ارقد اكثر لاني امل من جو البييت ممل لدرجه فضيعه ممم ما احس حد يعطيني ويهه ايلس ويا عمري ع اللاب وجي واختي نادرا تكلمني واذا تكلمني يعني تضارب وجي ما تتفاهم وامي جي بعد هي واخوي لازم كل يوم يهزبني مايدانيني حتى اذا ابا اطلع مكان يتم يراقبني وجي واحس الكل ضديي ماعرف كيف اقول لكم وانا انقهر من بنات عمي > خوان يحبون بعض كله ويا بعض يشوفون افلام ويابعض يصلون ويا بعض يطلعون ويا بعض بس الله كرييم انا كله بروحي بس تعودت احاول اختلطت وياهم بس يتجنبوني مادري ليش مع اني موب مسويه شي ><"وحتى خواني المعرسات تعبت منهم يوم يكلموني كله يهزبوني وجي واتحسينهم عادي وياهم وانا كل ما اقول ابا شي ) كأن طريت لأمي الموت كل شي لاء لاء وامي صراحه فيها دسك وانا مابا اضغط عليها
انا صرت حساسه من هالأشيآء ساعدووني
طلبتكم لاتردوني ولو بدعوه من قلب
أستغفر اللهم وأتوب إليك
السموحه طولت عليكم ^^"
انا من الشارجه
اول شي مبرووك عالنسبه الحلوه وعقبالها ما تييبين اعلى فالثانويه
هذا احسن قرارج كونج فبدايه لحياه يديده <<قصدي المراهقه شي حلو انج نويتي تبتديها برضى ربج وربي يغفر لج ذنوبج بس نصيحتي لربيعتج انها تودر هالشاب اللي يكلمها لانه حبيبتي اهو ما يحبها لانه لو يحبها ما بيطلب منها صورها اهو طبعا ما يرضى على خواته انها تكلم ولو درى ممكن يذبحها فكيف يرضى على بنيه حسبت اخته خليها تفكر بعقلها اكثر عن قلبها وتحاول قد ما تقدر انه عواطفها ما تيرها للخطر لانه لو صار شي لا سمح الله ما بينفع الندم بتكون خسرت كل شي بحياتها فافضل من الحين تبتعد وانا احييج على محاولتج معاها ربي يجازيج خير
وبالنسبه لج حاولي تشغلين نفسج باي شي تحبينه نمي هواياتج خلي حد من خواتج او اخوانج يسجلونج فنادي صيفي او ساعات يوم تكلونين ملانه في البيت كشخي او سوي سويت او عصير او سيري عند ربيعاتج او خليهن ييون عندج مثل جيه يعني
اتمنى اني افدتج والسموحه اذا طولت
المشاركة الأصلية كتبت بواسطة ساحره العين 
اول شي مبرووك عالنسبه الحلوه وعقبالها ما تييبين اعلى فالثانويه
هذا احسن قرارج كونج فبدايه لحياه يديده <<قصدي المراهقه شي حلو انج نويتي تبتديها برضى ربج وربي يغفر لج ذنوبج بس نصيحتي لربيعتج انها تودر هالشاب اللي يكلمها لانه حبيبتي اهو ما يحبها لانه لو يحبها ما بيطلب منها صورها اهو طبعا ما يرضى على خواته انها تكلم ولو درى ممكن يذبحها فكيف يرضى على بنيه حسبت اخته خليها تفكر بعقلها اكثر عن قلبها وتحاول قد ما تقدر انه عواطفها ما تيرها للخطر لانه لو صار شي لا سمح الله ما بينفع الندم بتكون خسرت كل شي بحياتها فافضل من الحين تبتعد وانا احييج على محاولتج معاها ربي يجازيج خير
وبالنسبه لج حاولي تشغلين نفسج باي شي تحبينه نمي هواياتج خلي حد من خواتج او اخوانج يسجلونج فنادي صيفي او ساعات يوم تكلونين ملانه في البيت كشخي او سوي سويت او عصير او سيري عند ربيعاتج او خليهن ييون عندج مثل جيه يعني
اتمنى اني افدتج والسموحه اذا طولت
اربيعتي ان شاء الله بحاول وياها وجي
مشكوره حبيتي
بس سالفه النادي وجي انا بروحي ما احب أروح هالأماكن لاني اشوف مناظر استغفر الله ف‘ مسويه لها × في بآلي
اما اني اقول لربعي ايون لي البيت , صراحه انا عندي 4 اخوان عزابيه وما أأمن فيهم واذا قلت لهم ربعي بيون او بنيلس فالميلس بيعاندون وبيتمون انا مافيني على بنات الناس وانا عن نفسي اخاف اروح بيوت الناس فشله وهاي في بالي بعد مسويه لها ××××
واناا انسانه ماحب الطبخ وماعندي هوايتي بس ايلس ع اللاب مششكوره حبيبتي ماقصرتي
أتريآآآآآآآآآآآآآآآ الردود الثانيه
نصايحكم لا هنتو
نتي يالسة تفضفضين ما عندج شغلة
وخواتج يهزبونج يمكن لانج وايد ترمسين وتدخلين بتفاصيل واضح جدا من موضوعج
المهم الله يعينج ومبروك عليج الشهر
بعدين نصيحة مني لا تربطين نفسج فحد هو ما مسويلج سالفة <<<< ولو حد سأل عنج خلي سمعتج نظيفة لا حب ولا خرابيط
ليش مستعيله ترا ما وراه الا التعب
ركزي ع صلتج بربج ودراستج
ولا تربطين نفسج بحد معين وتنشرين عند الكل انج تبين فلان
خلي نصيبج ع رب العالمين
وهالمرحله طبيعيييييه جدا بمشاكلها وعلاقاتها
انا اقولج اووووووووووووول شي الصلاه وادعي ربج للأبد انه يصلح حالج للأفضل ويثبتج
كل ماضايقج شي الجأي له
سالفة ولد عمج حاولي ماتخلينها محور حياتج..اذا يباج بييج واذا ماصار شي طاف والنصيب الله يعلم به
اما ربيعتج الله يهديها وصدقيييني هذا مب ناوي زواج وهالاحساس اللي فيج انه صادق غلط لأنه وربي لو
كان ولد ناس ويخاف الله حتى صور مابيطلب ويمكن فتح موضوع الزواج لأنه شاف صور النت وعيبوه وهذي الحركه اول نقطة استدراج للبنت من الولد
انصحيها ياحياتي الله يصلجكم يارب ودخيلكم لااااتدخلون في علاقات مثل جي لا بالنت ولا شي
اشغلو نفسكم بالربع والسوالف وخلي اهتمامج كيف علاقتج تتحسن مع اهلج
اكسبيهم واحد واحد..يعاملونج جي لأنه في نظرهم انتي اصغر منه انهم ياخذون ويعطون وياج وكله يهزبونج هالشي غلط فيهم مب فيج
الواحد يكسب اخته مهما كان .. اما اذا تمو جي مهما حاولتي تسولفين "عاد سولفي بعقل ترى مهما كان هم كبار ومعرسات فأكيد يشوفون انه اللي
بتقولينه مضيعه للوقت" واثبتيلهم العكس..خلي لج مواقف وياهم سواء في البيت او برع.. خلي الكل يمدحج واذا محد مدحج انتي مدحي نفسج جدامهم
قولي شوفو الغير في هالزمن كيف وانا الحمدلله اذكر ربي واخافه ومحترمه ومحد بيهز هالشي..
تقبل الله صيامج ومبارك عليج الشهر حبوبه والله يوفقج في حياتج ويسر عليج