بنات على الشهر الياي بكمل سنتين .. وماحملت .. والسبب من ريلي في البدايه ساار عند دكتور في بوظبي الله يساامحه شخص حالت ريلي بانه مايقدر ايب اعيال الاباطفال الانابيب .. ريلي اضاايق في البدايه وماتقبل الموضوع
(( وقالي اذا تبين اتمين معاايه تمي واذا ماتبيني قوليلي … انا ماقدر ايبلج اعياال ..))
اضااااااااايقت واااااااااااايد ونفسيتي تعبت بس يلست اصلي وادعي من كل قلبي واقرا سوره يس … وومرت الشهور واخر شي قلت حق ريلي خلنا نجرب اطفال الانابيب ووافق وخذنا موعد عند دكتور الانابيب وريلي شرح حق الدكتور الحال قاله بنسحب حيوانات منويه من البربخ وبنجمدها وعقب بنبتدي في زوجتج ..
وفي بنت في المنتدى سالتها عن دكتور شااطر عشان حاله ريلي دلتني على البروفسور سمير السامرائي .. يزاااها االله الف خير صدق دعيت لها من كل خاااطري
وخذ ريلي موعد عنده وسرنا وريلي تم يشرح حالته للبروفسور والبروفسور استغرب من كلام ريلي قاله هذا دكتور جلديه مب معقوله الكلام اللي تقوله شي مايدخل العقل ..
البروفسور سو كل الفحوصاات حق ريلي وقال انت سليم 100% وتقدر اتيب عيال طبيعي بس المشكله بسيطه جدا هو انه عندك انسداد في المسالك البوليه واقدر اسولك العمليه باليزر وما طول العمليه ..
ماقول غير الله يساامحه .. ريلي كان بيصييييح من القهر من كلام الدكتور القبلي ..
بنات نصيحه مني لكم لا تروحون عند اي دكاتره واذا بتروحون اسالو عنه اذا هو اوكي او لا
حبيت اقولكم التجربه عشان تستفيدون ..
عادي كان ممكن يكون سبب في فراقكم لا سمح الله
الحمد لله انكم دورتو على دكتور ثاني و طلع شاطر
الله يرزقكم الذرية الصالحة عاجلا غيراجل
ياااااااااااااااااااااااااااااارب
الغالية يا ريت لو تشتكون عليه يمكن شهادته مزورة
انتوا نجيتوا منه غيركم يمكن لأ
حسبي الله ونعم الوكيل ،،
إختي بسألج كيف يعني إنسداد في المسالك البوليه ؟؟!!
ويرزقكم الذرية الصالحة
ربي يفرح قلبج اختي ويطمنج هذا نتيجة صبرج والاحتساب الاجر من رب العالمين والحمد الله انكم سرتوا عند دكتور ثاني
وحسبي الله على هالدكتور القبلي على اي اساس شخص حالة ريلج؟!!
بعض الدكاترة بس تخصصهم مغثة المريض!!!
يارب يارحمن ارزق اختي الذرية الصالحة السليمة المعافاة..
ويارب يشفي ريلج في القريب العاجل
معدوم الضمير ها الدكتور !
الله عطاكم على قد نيتكم الصالحة وزين تلاحقتوا عمركم في مكان ثاني
الله يرزقج بالذرية الصالحة