موضوعي باختصار أنا متزوجة صار لي سنتين ونص وعندي ولد عمره سنة أنا جامعيه اكمل دراستي العليا واشتغل . محترمة خلوقة جميلة اخاف ربي واعرف ديني . طموحة لي امنيات وافكار ومواهب كثيرة ومتميزة الحمدلله…. زوجي اتكالي. عنده. شهادة ابتدائي لاصلاة لادين لا اخلاق .. لا مال ولا منصب خذته على اساس انه يحبني وطلع كل شي خرطي مع الايام عرفت انه ماخذني عسب راتبي. ماعمري شفته يصلي او يصوم من بداية زواجنا مشاكل وضرايب لاسوالي عرس مثل العالم ولاياب لي هدية تفرح قلبي الا كم فون يديد يوم ينزل وايد عليه يسبني يضربني لحد مايعلم فجسمي عصبي ومزاجي ومعقد عقب مايضربني ويخلص ا اي يبوسني ويحضني عباله بنسى بسرعة شرات ماينسى ولا كانه شي استوى بخيل مايصرف .علي ولا على ولده بحكم اني موظفة لبس واكل وشرب ولده كله علي ومعاش الخدامة اللي تشتغل لاهله بعد علي ومرات ايب بامبرز واغراض للولد هذا مرة كل 3 أو 4 شهور بعد حنه عمره ماعطاني بيزات وقال خذي الا مرة مدري مرتين وا يي آخر الشهر ياخذهم اقوله وين تودي راتبك كل علثه على السيارة والمخالفات اللي ماتخلص والقاراج وكله جذب .. ماقصرت معاه لاهو ولا اهله مايحشم اهلي.وفي كل شي مدخلنهم فسوالفنا اي شي يصير رد على امي واخواني … مايطلعني الا ويا اهله خاطري اطلع وياه مكان رواحنا مكان ممنوع الا بالحسرة وفي كل طلعه لازم ازعل واصيح من القهر … شفت الضيم والظلاييم من اخته وحريم اخوانه وصبرت وكتمت وهو يعرف دافع عني كم مرة وعقب جلب علي …. بديت اكرهه ماله مكان فقلبي بس اللي مصبرني ولدي الله حق هو يمووووووووووت فولده بس كابو ومسؤوولية صفررررر انا اوديه المستشفى اذا مرض انا اسهر عليه انا ادلعه انا اشتريله وهو طل فعينه … حتى يوم حملت عمره مايا وياي العيادة ويوم ربيت خلاني بروحي اسوق للمستشفى تخيلوا وانا بربي من الغصة اونه ليش تتصلين فامج تسير وياج دقي لامي خل اتي وياج مب شرط امج تخيلوا خلاني اسوق والله رحمني وصلت المستشفى وربيت بفضل رحمة الله … كل شغله عناد لازم اهله وامه يدخلون فحياتنا مع انه عمتي طيبة وماشفت منها شي بس هو كريه محد يطيجه .. لايطلعني مكان بس هو يهيت لين انصاف الليالي وين يودي معاشه ماعرف وكله ماعندي ماعندي تعبت مليت ابا اتطلق احس اني يالسه اضيع شبابي وعمري معاه مستقبلي ضايع معاه. كم مرة ضربني وعذبني الضرب ولا اشتكي لحد إذا اشتكيت لاهلي بس يردوني له مرة ثانية ابوي معرس ومب متفيج ويقول انتي لسانج طويل ويعق اللوم علي وامي بروحها حالتها حاله مسكينه تقولي تطلقي واقفه وياي وحاسه فيني بس منو بيراكض لي …. مالي حد اشتكي له غير الله سبحانه ومالي سند الكل لاهي بدنياه قلبي يعورني على عمري. يوم اتذكر واعيد شريط الماضي والله ابجي حسرة على عمري من خذته وانا فهم وغم. كله مني أنا وافقت وخذته وطاح حظي ماكان عندي نظر خبروني شو اسوي يشتمني باقذر الالقاب كرهته واكره العيشة وياه حتى يوم يبا يعاشرني بالغصب ماباه ياناس شوروا علي اتطلق ولا اصبر عنده بنات شكثر فتويتر وانستقرام اشكره عيني عينك شو تم بعد فذمتكم هذا كفو ياخذ وحده شراتي ؟! لا ويقول هذيل ربع اخوي والله ماكلمهم بس جي سلام عليكم وعليكم السلام اصلا غيرة ماغار عليه وع مالت عليه ماعرف شو اسوي والله كم مرة اشتكيت لامه ماشي فايده مابيدها شي. ابا اخليه يتندم علي ويحس بجيمتي. معاشي وراتبي اللي ايمعه كله على مواتره ولاعمري قصرت فحقه ولايبين فعينه الوغد النذل وين كلام الحب وين كلام العشق كله خرطي كله جذب والله
الله يهديه بس!!!
الله يعينج حبيبتي ان شاء الله الخوات يفيدونج اكثر