بغيت اعرف اذا ممكن ابيع تصاميم العبي الي اصممهم يعني يكونون مرسومات؟؟
لان عندي تصاميم بسيطة وفخمة للاعراس او المناسبات الكبيرة وابا استفيد منها؟؟
ا
تتوجهين لاتيليه او مشغل او محل عبي تكون صاحبته وحدة محترمة وسمعتها زينة في التعامل مع الناس
لأن يمكن تغشج او تتحايل عليج بالسعر او تاخذ منج التصميم وتبينلج انه مو وايد زين لكن توهمج انها تبي تشجعج وتقوم تشتري منج التصميم بسعر زهيد وهي المستفيدة بالنهاية لو كانت صاحبة المحل وحدة مو معروفة او سمعتها مو زينة
…
تعرضين عليها شغلج وتتفاهمون على السعر وكيفية التنفيذ
وتستوضحين منها هل راح تعطيج حق الاشراف على التنفذ او انها تشتري التصميم واهيا تتكفل بالباقي ؟
او انها تنفذ التصمم وتبيعه ويكون لج نسبة من سعر البيع ؟
ولو يكون افضل انج تتفقين معاها على انج تكونين مصممة لج نسبة من سعر البيع لكل قطعة تصممينها 
لأن بجذي يكون تعاملج معاهم لا متناهي ومستمر ويشجعج على انج تبدعين اكثر وتستفيدين اكثر
لأن لو بعتيها التصميم راح يكون استفادتج مرة وحدة بس
لكن لو تتفقين معاها ان تعاملج يكون على اساس ان لج نسبة من بيع كل قطعة احسن
لأن اللي تشتري منج التصميم راح تنفذ من التصميم الواحد مو اقل من 10 قطع اذا مو اكثر
فانتي المستفيدة بالنهاية
.
.
.