ترددت وايد قبل لا انزل الموضوع
سالفتي أني مطلقة من اربع سنوات ومشكلتي اني وايد حساسة رومانسية احب اني احب أو انحب من بلغت الثلاثين الناس كلهم يعاملوني اني يعوز أوكي ادري اني عيوز بس هل العيوز ما تنحب هل العيوز المفروض انه ما في احد يسال عنها هل العيوز بس تراقب عيالها بدون إحساس الكل يعاملني بكره من العيلة ان خلاص المفروض ما نسال عنج
هل الإنسان العيوز الصح انه يعيش بروحه أنزين ليش يعلمونا ان الإنسان كاءن اجتماعي بصراحة جذب هل نحن مثل الحيوانات يا يكون مع عكس جنسه أو يهيم لوحده
لا احد يقلي عيالج عندج عيالي باجي لهم اربع سنين ويطلعون من حضانتي ولدي من الحين متعلق وايد في أبوه وها شيء طبيعي لانه ولد ريال صغير وبنتي تحب أبوها ومتعلقه فيه بس عايشة عندي يحبوني صح بس بيي اليوم اللي بعيش فيه بروحي مع الخدم
هل لي الحق اني احلم بشريك لحياتي ولا خلاص راحة علي
ما اعرف شو أقول ما اعرف كيف احجر ها القلب اللي عندي اقسيه
ما اعرف كيف أعيش حياتي بروحي بروحي بدون أي شخص فيها
تهتمين ف عمرج واتدلعين عمرج بنفسج
مطلقه ما عليه وعسى ان تكرهوا شيئا وهو
خير لكم، لكن ان ترييتي حد يحبج ويبين هالشي
بتركض الايام وانتي ما بتحصلين اللي تبينه والعمر
مره ما بيتكرر مرتين، عيشي حياتج وتقربي من الله
وبتلقين السعاده اللي تبينها حبيبتي، وبالنسبه للعيال
لا تحطين ف بالج انه ٤ سنين وبتروح الحضانه عنج
بالعكس انتي جي تبعدين عيالج عنج وانتي مالج ف هالدنيا
الا هالعيال ! لازم تزرعين فيهم حبج وتخلينهم يبادلونج المشاعر
ولو انهم ساروا عنج باجر بس بتمين ف قلوبهم ويمكن الله
كاتب انهم يعيشون وياج طول العمر، محد يعرف باجر شو بيستوي
وهاييل ٤ سنوات حرام تبعدينهم عنج من الحينه، تقربي منهم اكثر
وعطيهم الحنان والتربيه الصالحه عشان تجنين ثمارها باجر يوم
يكبرون وتحصلينهم حولج . .
الله يرزقج اللي تتمنينه اختي
صح يحبونج ويحبون ابوهم لكــن هذا مب معناته انه بتكونين بروحج بعد كم سنــه …الانســان ما يعرف قدره ويــن ونصيبه ويـــــــن …
والله اعرف وحده عيالها كبار ومطلقه من زمان اكثر عن 20 سنه جريب عرست عادي وهي في عمر امي تقريبا ….شوفي كيف نصيبها ….
لا تخلين الوسواس يتحكم بأحاسيسج ومشاعرج …
انتي قصدج انه الناس حكمت عليج انه خلاص مب من حقج تعرسين وتشوفين حياتج ….
انا اقولج غلطانه ..ترى الريال حتى يوم يطلق يسير يشوف حياته ..ماشي يمنع زواجج بالتفاهم مع طليقج ابو العيال ومع الشخص الي بيتقدم لج العيال فتره عندج وفتره عنده …
الاشكاليه في الزواج …فرص الزواج تقل ..واذا توفرت يكون مطلق او ارمل بعيال او بدون عيال …
.
.
الله يرزقج ع قد نياتج بالزوج الصالح الي يحبج وتحبينه وترتاحين له …
وعسى الله يفرح قلبج بالانسان اللي يحبج ويصونج ويراعيج
مطلقه ارمله عانس عندج عيال او ماعندج كل هذا مايخصه
صدقيني مافي شي يوقف بويه النصيب اذا الله كاتبه
عيالج اذا حابين ابوهم وبكل حال اصلا بيطلعون من حضانتج ويروحون لابوهم
فهني انتي من حقج بعد تفكرين ف عمرج وتوافقين لو تقدم لج الشخص المناسب
ونفس الوقت اذا طليقج معرس شوفي حرمته
هل تحسين راح تعاملج عيالج اوكي ولا لا
واهم شي اذا عرستي ان شاء الله تاخذين شخص متقبل وجود عيالج في حياتج عشان مايحرمج منهم
وانتي في عز شبابج والله يرزقج الزوج الصالح عليج بالدعاء
وانتي بالثلاثين من لازلتي شباب قلبا و قالبا
يعني شنو ثلاثين ؟؟ عمر نانسي عجرم !! هل نانسي عجرم مثلا عجوز ؟!!
أبدا أبدا ، ثلاثين انتي مازلتي زهرة متفتحه والانسان لازم يشعر بأنه شباب من داخله
البسي الملابس الملونة وتعطري بالعطور اللطيفة الجذابة ومارسي هواياتك
وقابلي صديقاتك و اهتمي بنفسك ، غيري اللوك دائما ما بين لبس وشعر
وديري كل شي بخاطرك ، سافري مع اهلك لو باستطاعتكم
مارسي حياتك مع اطفالك ، اطلعي معاهم احيكلهم حكايات مسليه وحلوة
مثلي معاهم غنيلهم ، حسسيهم انك شي حلو ومميز بحياتهم ،
واهم شي ادعي لربي سبحانه في كل وقت انه يرزقك بالزوج الصالح
ياااااااااااااااااارب عاجلا غير اجل يارب ،وربي كريم سبحانه
وباذن الله الواحد الاحد انه حيكرمك بالزوج الي يحبك ويعفك ويسترك
يااااااااااااااااااااارب عاجلا غير اجل يااااااااااااااااااااارب ،
حبيبتي اول شي انتي محتاجه اربع او خمس ايام نقاهة ،
حاولي تمشي ل فندق حلو انتي و اطفالك وحد من اخوانك او والديك مثلا
بعدين املي وقت فراغك ، بكل الاشياء الي تحبيها او الي ما جربتيها
حاولي تتعلمي لغة جديدة ، او تتعلمي قيادة السياره مثلا
حاولي تمارسي هوايات جديدة زي التصوير مثلا او نوع جديد من الرياضة
حددي يوم معين من الاسبوع لصديقاتك ، يومين لأطفالك
لو لقيتي فرصه مناسبه للزواج استخيري وتوكلي على الله
ولا تنسي الشباب من الاحساس من القلب ( ضرووووووووووووووري )
وديما تخيلي نانسي عجرم كمثال !!
عمرها 30 ، هل هي عجوز ؟!!
صباح اللبنانية الي بآخر عمرها تغني عالحياة والحب والشباب والجمال
هههههههههههه ، وانتي الي بريعان الشباب تقولي اني عجوز !!
ههههههههه ربي يفرح قلبك يا اختي بلي تتمنيه ياااااااااااااااااارب
ويرزقك الزوج الصالح عاجلا غير اجل ياااااااااااااااااااااااااارب