هل يستانس الريال بالحمل الثاني والثالث مثل الحمل الاول ^_^

مرحبا الغوالي

اكيييييد الحمل الاول غييير

بس خبرونا كيف كانت ردة فعلهم فالحمل الاول

والحمل الثاني والثالث نفس الفرحه ولااا

اتحفونا بتجاربكم

والله حسب حب الرجل لزوجته وعياله

أنا ريلي فرح بالحمل الثالث أكثر عن الأول
لان الأول تونا كنا معرسين و ما محطين فبالنا أبد أن يكون عندنا طفل

والحمل الثاني صار إجهاض
والثالث فررررح وووااااااااايد

شوفي بالنسبه لريلي في حملي الاول ماكان مستوعب انه هو بكون ابو وبكون له ذريه اللهم لك الحمد فاول ما خبرته حليله كان ياي من درب وضيع من فرحته..😍
وفي حملي الثاني نفس الشي كان بين ربعه يالس ولا قادر يعبر عن فرحته قام يتحرقص الين ما ظهر من عندهم وكل يوم يرمس عن هالشي ومستانس الحمدلله مثل الاول ويمكن اكثر كونه وااايد حب شعور انه يكون ابو ..😁
وفالحمل الثالث نفس الشي بس سبحان الله الله ما كتب انه يكتمل هالحمل كان حملي فالشهر الاول بس وااايد حز في خاطره لدرجه انه دمعت عينه والله يعوضنا يارب والحمدلله ع كل حال..
مع العلم انه شخصية ريلي ما يتحمل العيااال بس سبحان الله يوم شاف عيااله شعوره وااايد تغير لدرجه انه خواته واخوانه ما مستوعبين كيف انه هوه جذاا متعلق العياال..
وربي يرزق كل انسانه بالذريه يارب..

الله يحفظهم لكم

استانس فيهم 2 واكيد فرحه البكر غير

أكيد الحمدالله