هولند المنسية بلد الخضرة شوفو شحلاتها من تصويري

السلام عليكم

حبيت اعرض عليكم صور رحلتنا الرائعة ل ( هــولنــــدا) وكانت سنة 2024 ..

الكل طايح في المانيا وسويسرا مع انه هولندا رووعة وايد واماكن سياحية رهييبة .. بس منسية .. ( اسوي دعاية لها) ههههههه .. ترا عندي صور وايد بس ماروم احط شكثرهن

طبعا صوري بالذات صور الحديقة الخيالية الي بحطها لكم انسرقت في اكثر من منتدى من زمان .. لكن شو بقول بكيفهم .. الله الشاهد منو راعي الموضوع

بنزل لكم بعض المقتطفات من هولندا والحدايق الي زرناها.. وفي اخر الموضوع بحط لكم لسته بالأماكن السياحية .. عشان الي تبغي تزورها تعرف وين تسير .. وتراها جريبه من المانيا وبلجيكا وفرنسا ..

قلعة اثرية زرناها..ماذكر اسمها

طول ما تمشون تشوفون بقر واغنام كأنج هايدي

باركنات حق السياكل شوفو شكثر

هني تركبين القارب وتدورين في امستردام شي ناس بيوتهم في القوارب نفسها

بحط لكم مقتطفات من صور حدايق الحيوانات الي زرناها وهولندا فيها يمكن اكثر من 4 حدايق حيوانات وكل وحدة احلى من الثانية ..

وهذي حديقة احياء بحرية ودلافين .. رووعة وفيها عروض باستمرار

هذيل عرووضهم تجنن قمة الروعة

متربع عالقمة لو تشوفونه مكبره

الحديقة رووووعة.. وبعطيكم نبذه بسيطه عنها ..

شفتوا المناظر الي في الرسوم المتحركه؟؟ سنوايت..الاقزام.. ذات الرداء الاحمر؟؟ وغيرهم من الشخصيات ؟؟ كلها موجوده في الحديقة ..

مع الاشياء الخياليه الي في الرسوم والي اخترعوها الاخوين Grimm.. يعني طول ما انتي ماشيه بهالحديقة تحسين عمرج بالرسوم مع الموسيقى والجو رووعة ..

وكل المناظر الي بتشوفونها من تماثييل تراها متحركه .. يعني تتكلم تتحرك وتتنفس بعد..

ومشينا في الحديقة قرب 6 ساعات وماخلصناها كلها بعد بالذات انها تعرقل في حاله وجود اطفال
المدخل

هذا عبارة عن بيت ملعون تدخلون وتربطون عماركم في كراسي ويدور بنا يتجلب روووعة اسمه Villa Volta

بيت الأميرة النائمة

وهذي هي نايمة

والعيوز والحارس الي يحرسونها موجودين بس ما حطيت الصور ..

اول الاماكن الي دخلناها في الحديقة .. مكان فيه ديكورات اسلامية ومآذن اسمه Fata Morgana ترجمته السراب .. عباره عن مكان ندخله بقوارب تاخذنا بجوله مع موسيقى شرقيه وجو رائع تشوفين تماثيل واضاءات مختلفة وكل التماثيل تتحرك لا وتتكلم عربي بعد هههههه وتعبر على ما اظن عن المغرب قديما.. بعض الصور:

مناظر من الحديقة

الحين مدينه الاقزام .. تذكروا اقولكم يتحركووون وكل شي ومسوين بيوتهم وكل شي مأثثينها تستغربون والله من الاشياء الي فيها

هذا يتنفس تسمعون شخيرة وبطنه يوم يتحرك

الحين المكان الثاني الرائع اسمه Droomvlucht يعني حلم الطيران..

شفتوا المخلوقات الي في فلم lord of the ring وشوي من الموسيقى بعد .. تقريباً نفس الشي .. تشوفين الكواكب ومخلوقات كأنها في جنه تطلع من بين الاغصان و الورود غير المدن الي فوق كواكب .. بس ياخساره الاضاءة وايد ظلام يعني التصوير صعب .. وتركبين مثل العربه ترتفع واتدور فيج المكان كاامل ..

ذات الرداء الأحمر والذيب داخل بس ماصورته .. وتسمعين القصه وانتي تشوفين

الحديقة لها موقع وترا ما تفتح طول السنة في الصيف بس .. حرام حد يروح اوروبا ويفوتها ..
واليوتيوب فيه وايد اشياء عنها وفيديو بس اكتبوا اسمها Efteling واسماء الاماكن الي فيها

لستة اسامي الاماكن الي رحناها..
Madurodam ( مارحناها بس ريلي سارها وايد حلوة)
Apenheul ( حديقة حيوانات)
Dolfinarium ( حديقة الدلافين والعروض المائية)
Efteling ( الحديقة الروعة الي اخر شي )
الباقي ماذكر اساميهم عدل .. بس في موقع اسمه مدخلك في هولندا .. وايد حلو ومنه عرفنا الاماكن

وسلامتكم

(((اللهم ياسبب من لاسبب له، ياسبب كل ذي سبب، يامسبب الأسباب من غير سبب،

سبب لي سببا لن استطيع له طلب، صلي على محمد وال محمد، وأغنني بحلالك عن

حرامك وبطاعتك عن معصيتك وبفضلك عمن سواك ياحي ياقيوم)))

ما شاء الله سبحان من خلق 0000 ما في أجمل من طبيعة الخالق

مرسي علي الصور الرائعة حبوبة

ما شاء الله سبحان من خلق 0000 ما في أجمل من طبيعة الخالق

مشكووووره الغالية عالتقرير وعالصور ^^