هذا الجزء مكمل حق موضوعي السابق
رحلتي المصوره لماليزيا وسنغافوره
حطيت صور ماليزا وماحطيت سنغافوره
وإن شاء الله بحط لكم صور سنغافوره هني لان الموضوع صارن صفحاته واااااااااااايد بكثرة الردود
وأشكر خواتي اللي تفاعلوا وياي في موضوع ماليزيا
https://www.uaewomen.net/showthread.php?t=188294
https://www.uaewomen.net/showthread.php?t=188294&page=3
https://www.uaewomen.net/showthread.php?t=188294&page=6
https://www.uaewomen.net/showthread.php?t=188294&page=11
https://www.uaewomen.net/showthread.php?t=188294&page=18
وأحين نيي عند سنغافوره
أول ما وصلنا سنغافوره
خذنا تاكسي المطار وع طول لجزيرة سنتوسا
حاجزين في فندق شانغريلا
أكثر من رائع وإطلالته جميله على البحر
في نفس اليوم العصر أو قريب المغرب رحنا لمكان اسمه(under water world(
عالم تحت الماء
رحناله مشي لانه كان حذا الفندق ع طووووول
ودخلناه كان وااايد روعه كله أحواض سمك
وفيه ممر تمرين تحته وفوقج السمك طبعا حوليج وفوقج كله زجاج وتشوفين السمك بأنواع
وأنا طبعا زيّاغه ف شخطته بسرعه ما مداني أشوف شي
يالسه أتخيل لو ينفجر من الضغط كله بيطيح علينا
شوفو التفكير كيف(تقولون سيلانيه)
المهم ما كنت شاله الكام ما كنا ندري إنا رايحيله كنا طالعين ويوم شفناه قلنا خلنا ندخل
بس صورت بالموبايل
ونفس التذكره اللي تقصينها عنده تدخلج عروض الدلافين اللي يكون عروضهم في النهار
عشان جي ماسرنا في نفس اليوم لانه كان المغرب
وهو شوي بعبد تروحيله بالباص
في اليوم الثاني على الساعه 3 رحنا عروض الدلافين
كانت وايد حلوه واستانسو الكبار قبل الصغار
وبعدين خذا لفه في الجزيره
طبعا المواصلات كلها كانت في باصات تابعه للجزيره
بس شو ترتيب
وكل باص اينزل محطه معينه
يعني ملترومين تركبين أي باص لازم تعرفين وجههتج عشان تختارين الباص اللي رايح
المهم رحنا صوب جزيره صغيره كان ممشى بينها وبين سنتوسا
مافيها شي بس يمعة أوادم وتصوير
يعني المكان غاوي حق استجمام
هذا الممر عقب ماوصلنا ركبا فوق يعني مكان مرتفع تقدرين تشوفين الجزيره بالتلسكوب وتتصورين
وهذيل الثانئ في نهاية الممشى
بعدين ركبنا التلفريك( وهذا ورانا ورانا)
يوصل لسنغافوره نفسها واينزلنا في مركز من المراكز مب حافظه اسمه
المهم استفدنا من رحلة التلفريك نزلنا السنتر وتحوطنا ونزلنا الصور على سي دي وفظينا الكام
ورجعنا ثاني
وإحنا في التلفريك لقطنا كمن صوره
هذا باين عليه مشروع ضخم بس ماعرفنا شو هو
شوفو تمثال الاسد اللي في الصوره
هذا شعارهم
بس نسيت شو اسمه
وماشي وهاي آخر صوره فنيه لبو الشباب لقطها من الفندق قبل لا نطلع
أحلامه الورديه(يمتلك يخت)
خخخخخخخخخخخخخخخ
هذا ويهي إن حصله
لا تردون عشا أكمل جزء سنغافوره (العاصمه)
وأول يوم كان شوي متعب
من الصبح ع طول رحنا حديقة الحيوان وهي تعتبر أكبر حديقة حيوانات على ما أعتقد في العالم
الصراحه تستاهل
وااااااااااااايد كبيره ومفتوحه
يعني الحيوانات مش مسكر عليها في قفاص مثل اللي عندنا
والسبلان والقرود وانتي تمشين تشوفينهم فوقج عالشجر
بس الصراحه حلوه
وفيها الترام اللي هم مثل القطار الصغير ومفتوح إذا تبين تمشين في الحديقه وماتقدرين تركبينهم
بس لازم تاخذون تذاكر إلهن لانهن يوقفن في محطات وتقدرين تنزلين وتمشين وبعدين من تصادفين واحد تركبين فينه
(يعني بالعربي مب لازم اللي ركبتي فيه تكملين وياه لين آخر الحديقه)
المهم بحط لكم صور من الحديقه
شوفو البحيره ما أغواها
الصراحه تشرح النفس و ودج يالسه عندها ما تخوزين
وشدني هالنمر الأبيض
ومن خلصنا عالمغرب ع طول على النايت سفاري عدال الحديقه ع طول
و وايد حلو بس ماصورنا لانه في الليل
تاخذين الترام وياخذ لج لفه في الحديقه
اللي هي حديقه ليليه
وكبيره بعد وفيها حيوانات أشكال وبعضهم ما شفناه لانه منخش بس زياغ لانه في الليل والاضاءه خفيفه
المهم اليوم الثاني قضيناه في الاورشارد رود اللي سكنا فيه
وهذا الشارع وايد مشهور بالعرب والسناتر حلو كله كان مشي لانه كله السناتر حذا بعض
وفي سنغافوره سكنا في المريديان حلو وقريب من السناتر
وهاي صوره من الاورشارد رود
خخخخخخخخخخخخخخخخخخخخخ
وتسلمـــــــــــــــــــــــــــــــــــــــــــــ ــــــــــــــــــــــــــــــــون
وسامحوني عالتأخيييييير
خخخخخخخخخخخخخخخخخخخخخخخخخخخخخخخ
ذكرتيني بسايق التكسي هلكنا وهو يمدح في بلاده
singapore goooooooooooooood
مشكورة الغالية ذكرتيني بأيام حلوة ….وفعلا سنغابور غووووووود
