من عادتي ما أضيف موضوع إلا إذا حسيته مهم ومحد تطرق له قبل،والأهم إنه يفيد الشخص اللي يتصفحه
موضوع تفتيح الشفاه من المواضيع المهمة اللي وايد انعرضت في المنتديات والمواقع اللي اتخص التجميل، سبق وإني حطيت وصفة طبيعية لتفتيح الشفاه لكن يبدو إن الوصفات الطبيعية ما تنجح مع الكل لأسباب يمكن تتعلق بصعوبة استجابة البشرة لها
بس هالمرة وبالصدفة قريت عن كريم مخصص لتفتيح الشفاه الداكنة، سويت بحث عليه ولاحظت انه في ناس استخدموه في مواقع أجنبية وياب نتيجة معاهم، هاي صورة المنتج
وهذا تطبيق لشخص من منتدى أجنبي للكريم ولاحظوا الفرق قبل الاستعمال وبعده في خلال 22 يوم فقط، طنشوا القناع اللي حاطنه ع ويهه.
بعد استعمال الكريم ب 22 يوم
وطبعا مع الاستمرار بيختفي أثر الاسمرار وبيزيد التفتيح
وهذا الموقع اللي تقدرون تطلعون على معلومات وافية عن الكريم وتطلبون منه
أتمنى يعجكم الموضوع وتستفيدون منه
يزاج الله الف خير 
واللي عنده علاج سريع وحلو غير الفازلين ودم الغزال اللي ما ياب نتيجه مول .. يقوول ولا يبخل علينا <<< هع
ودم الغزال الاصلي الي مايورد مغشوش
الصراحه واااايد فادني مع التقشير والعسل وزيت اللوز والليمون
كل مرة احط واحد فيهم , والفازلين مع العكر يوميا قبل النوم
الحمدلله شفاتي ورديه
المشاركة الأصلية كتبت بواسطة حرمة سيف 
ودم الغزال الاصلي الي مايورد مغشوش
الصراحه واااايد فادني مع التقشير والعسل وزيت اللوز والليمون
كل مرة احط واحد فيهم , والفازلين مع العكر يوميا قبل النوم
الحمدلله شفاتي ورديه
اختي حرمة سيف ياليت اتوضحين طريقتج بشكل مفصل
الصراحه احب مواضيعج واثق في خلطاتج
وياليت يكون في موضوع منفصل فديتج
بحاول اتذكر او ادور الصور عندي فاللاب
شكراً غناتي ع ثقتج وثقة وايد عضوات فيني
أحبكم فالله
.
.
.
وجان احصله
تفضلي عزيزتي
https://forum.uaewomen.net/showthread.php?t=911673
اهم شي يكونون اصليييين
ولا مابيصبغ
وماتنحط البودرة كلها مع الفازلين لان كمية بسيطة تكفي
وهو طبعا غالي احيد خذت الي مثل فالصورة ربع تولة بـ 80 اتوقع او اقل
كانت مغربية اعرفها فالعين بس اظن انها سافرت
والاهم من هذا كله التقشير
سكر وزيت زيتون
ويوميا العصر جي حطي قطرات ليمون لين ينشفن
ومرات حطي مسحة عسل
ومرات مسحة زيت لوز
وحتى زبدة الشيا ترطبها حيل
الي اداوم او تطلع فالنهار تحط مرطب واقي شمس
مثل مرطبات الشفايف من بالمرز الي بزبدة الكاكاو
ومن ثم حطي الروج الي تبينه فوقه
