ورب الكون احبه .وش فيها لو قلنا عشاااق؟؟؟!

أنا أول وحدة أرد عليج ………….أول ماقريت موضوعج حسيت كأنج كاتبتنه عني ،،، ريلي مسافر عني وماييني إلا خمس أيام ويرجع يسافر ، يعني ما ألحق أبث له شوقي وحاجتي له ……. أصيح له أقول لا تسافر ،،، بس غصبا عنه شغله ورزقه يبعده عنا ويصبرني بأنها مرحلة وتتنتهي……..
حبيبتي دايما الإنسان مايحس بغلاة الطرف الثاني الا اذا ابتعد عنه ويموت شوق له ولهفة في تملكه
بس اذا تأكد ان حبيبه معاه ويشوفه الصبح والظهر والليل ويتغدا معاه والعشا وياه روحها الحرمة
تضايق لأن وراها اهتمامات ثانية مثل اليهال البيت ، أهلها، شغلها ، اهتمامها في نفسها
اسمحيييييييييييلي كأني طولت وطلعت برع الموضوع ………. موضوعج وايد حلو مثلج

يسعدنيه مرورج الطيب
وصدقتي البعد يزييييد الشووووق واللهفه
بس اللي دووووم متجابليين

الحمد لله لين الحينه عايشه نفس الاجواء وعسى ربي لايغير علينا ياااااااااااااااارب

البعد والشوق يسوي هالمشاعر ..

يا سلام على الكلام الحلو
صدق انا بعد أشتاق لأيام زمان صحيح الحب ما يموت بس صدقيني مو مثل اول
الحين القلب فيه هموم والعقل ما عاد يتحمل كل الضغوط أدري أن داخلنا أشياء وايد لكن الحال ما هو مثل أول
الحين زاد الحمل و كثر التفكير و وين ووين لين نحصل وقت للكلام خصوصا الريال تحسنه يكتفي بالقليل ونحن الحريم نحلم بأيام الشوق و الرومانسية
من كم من يوم قلت حق ريلي أتمنى ترجع أيام زمان قال لي مستحيل و هو صادق ليش لأن زمان كنا متفرغين لبعض ما عندنا شي بس الحين صرنا نفكر بالجماعة و الأولاد يوم ييون خلاص تتغير دنيتنا و ما نقول ما في شوق في بس مو شوق أول و حتى النظرة ما هي مالت الأول يوم كان يطالعني بعيونه أحس جسمي يرجف الحين عادي كل شي عادي صرت أكره هاي الكلمة
من جهتي أنا أحاول لكن وين التجاوب و ما الومه هموم الدنيا فوق راسه و حتى لو قلنا بنسافر و نغير جو عسى الله يمن علينا بصحوة الحب خدينا عيالنا ويانا مستحيل نخليهم و بدل ما نتفرغ لبعض نتفرغ لهم و نفس الدوامة و نفس القصة
تخيلي سافرنا أونه أسبوع لتغيير الجو و الوناسة مر الأسبوع و ريلي ما جا صوبي ليش اليهال ما خلونا و ما لقينا حجز غير غرفة وسط غرفة يعني باب ينفتح على باب ومو حلوة نسكر عليهم و
حتى كنا نضحك على نفسنا
بس يوم يسافر ريلي يرجع الشوق و كلها ساعات بعد رجوعه و ردينا للعادة القديمة كل شي عادي
الحمدلله على الحب اللي بعده يجمعنا و خلي الأشواق القوية و العواطف التركية و الحركات الهندية داخل صندوق الأحلام يمكن يجي يوم و تتحقق

ونستيني بها الموضوع عسى الله يحفظ غاليج و يهدي سركم و يعم الحب و الود كل حياتنا وحياة خواتي كلهم اللي فالمنتدى

الحمد لله لين الحينه عايشه نفس الاجواء وعسى ربي لايغير علينا ياااااااااااااااارب