وربى شى يقهر من الخاطر

مرحبا الغاليات والله انا ما بغيت اكتب هالموضوع الا عقب ما انبضت جبدى من بعض البنات اللى يدشون المنتدى بقصص وهمية مالها اى اساس من الصحه ومدرى شو الهدف من وراها واكيد موب انا وحدى اللى لاحظت هالشى اكيد اغلبكم هنى مر عليه الكثير من هالمواقف مثلا من فترة واحده من الخوات حاطه موضوع هنى بها القسم غير اللى حاطتنهم بقسم ساعدونى تتشكى من ظلم اخوانها وانها البنت الوحيده واخوانها مقصرين معاها واهلها على قد الحال واهى بالمدرسة وتبا تلبس وتكشخ ومن هالسوالف المهم انا طبعا بغيت اساعدها وتعاطفت معاها وطرشتلها عالخاص انى بتكفل باى شى تباه واللى الله يقدرنى عليه ما حبيت اكتب هالكلام عالعام عسب ما اجرح مشاعرها والمفروض انى ما اقول هالكلام بس من الصدمه اللى تونى اكتشفتها المهم الله يسلمكم سالتها شو اللى قاصرينها وطرشتلها عبى وملابس وشناط وشيل والله الشاهد ان الملابس يديده وماركات كلها من زارا ومن ماليزيا وتايلند والكويت وغيره كله بالتاج ماله والعبى هب يداد بس شرات اليداد كل واحده يمكن ملبوسه مرة مرتين وكلهن شغل موب اى كلام غير الشناط كل شى ما تم غير الله يعزكم الجواتى وطبعا لانى ما عرفت قياسها قلت عقب بشوف ذوقها وقياسها واطرشلها طرشتلها ما بتصدقون شنطة سفر تقولون ذهبة عروس المهم عقب فترة اسالها ها وصلتج الاغراض طمنينى ما ترد اكثر عن رسالة ما ترد قلتلها اخر مرة شو قياسج بالنعول وشو ذوقج عسب اطرشلج هنى ردت قالتلى جى قياسى وجى ذوقى والاغراض وصلت بس النت كان مقطوع ولا شكرا ولا يزاج الله خير ولا شى المهم نزلت السوق خذيت لها اللى تباه واستوت عندى ظروف ما قدرت اطرشلها الاغراض بسرعه وحتى هى لا رساله ولا شى انا ما اتريا كلمة شكر من احد على خير اسويه والمثل يقول اعمل الخير وعقه البحر المهم انا اعرف النك نيم تبعها بس قلت خلنى اتاكد عسب ما اطرش رسالة بالغلط حق واحده غير وخاصة انى دورت على الرسالة اللى فيها بياناتها ما حصلت المهم سويت بحث عالنك نيم مالها شو طلعلى طلعلى بملفها 3 مواضيع كلهم مساعدات واحده يمكن بقسم ساعدونى واثنين بهالقسم انزين والمواضيع كلها متناقضه يعنى تبين جذب البنية يعنى موضوع انها بنيه وبعدها تدرس وعايشه مع امها وابوها واخوانها كلهم معرسين وما يساعدون والمواضيع الثانيه انها حرمة متزوجه وعندها يهال وعايشه بحجرة ومدرى شو صدج انصدمت ليش كل ها ليش تسوون فينا جذى والله ان قلبى عورنى من الموضوع اللى كتبته وساعدتها فيه وتميت فترة بحالة نفسية سيئه اخاف اكون بيدى شى وقصرت معها والله العالم هاى واحده من القصص اللى مرت على غير اللى يطلبون اشيا بشكل غير مباشر ويوم تدرى ان عندج هالشى تقولج ياليت تطرشيلى لانى دورت كل مكان وما حصلت وعقب ما اطرشلها اللى تبا فص ملح وذاب تنزين قولى يزاج الله خير يعنى الواحد شو يسوى يقرا هالقصص وما يصدق ولا يتفاعل ويتعاطف معاهم ولا نتم جى بغفلتنا اسمحولى ما بغيت اتكلم بهالموضوع بس ما قدرت اتحمل وخاصة الفترة الاخيرة اكثر من موقف وكلهم متشابهين والله يرحمنا برحمته ارجو تفاعلكن وارائكن عسب كلنا نستفيد ونشوف حل لها الظاهرة

للرفع

انا انقهرررررررت ..
لا حول و لا قوة الا بالله
مشااعر الناس لعبه

الله كريم
شو انسوي

تسلمون فديتكم عالمرور الطيب والتفاعل الكريم

للرفع

ياليت ربي ….. حط للطيب علامة …
ترفع قدره وحسناته…

قلبج طيب وتعاطفتي مع عديمة احساس…

بس الله فوق وهذا درس عشان تعرفين ان مب كل الناس صادقه