كيفكم اخواتي العزيزات المرة الماضية حطيت طريقة ورق العنب مع الرز واللحم يلي ممكن نطبخها لوحدها مع الحامض او صلصة الطماطم او منعملها على شكل حزم ومنلفهم بخيط ومنحطهم مع المحاشي وكانت النتيجة :
وهي المرة رح نزلكم طريقتي بورق العنب بالخضار والزيت واسمها عنا (يالانجي }وان شاء الله ينال طبقي اعجابكم وبسم الله نبدا
مكونات الطبق :
ضمتين بقدونس (شدتين )ضمة نعنع /حبة بصل يابس اوضمة بصل اخضر حسب الموجود /كوبين ارز مصري /فليفلة حلو اوحار بس مو كبير قطعة صغيرة /ملح وفلفل اسود وزيت زيتون كوب شاي صغير /عصير ليمون / 3حبات طماطم متوسطة
تفرم الخضار وتغسل جيدا ويغسل الارز وتتبل المكونات مع الارز والملح وجميع المقادير
وبيطلع عندي هالحشو
نبدا بلف ورق العنب بالطريقة المعروفة بفرد الورقة ووضع قليل من الحشو وثني طرفيها ولفها جيدا وانا حطيت باسفل القدر دوائر ليمون وفليفلة وطماطم ودوائر بطاطس ومنصف فوقهم العنب الملفوف وبعدين رح نضيف قليل من الماء ونصلح الحمض والملح اما الزيت حطيناه مع الحشو ولامانع من اضافة ملعقتين زيت على الورق ومنغطيه بوعاء صغير وفوق الوعاء ثقل حتى ما يفتح الورق وبعد ما يغلي رح نخفف النار من تحته وبياخد تقريبا حوالي تلت ارباع الساعة بعد الغلي والنتيجة النهائية هالطبق اللذيذ
وهاد كمان طبق تاني
ويارب يعجبكم وجربوه وبالف عافية مع انتظار تواصلكم معي يلي بيسعدني ولكم مني فائق المحبة
شكله حلو
تسلمين على هالوصفه
وعيدج مبارك
ماشاءالله عليج باررررعه وباتقااااااااااااااااان
تسلم ايدج يالغالييييييييه
المشاركة الأصلية كتبت بواسطة عاشقة ولدي 
يعطـــــــــــــــــيج العافيه..
هلا وغلا حبيبتي عاشقة ولدي تسلميلي والله يعافي قلبك وحبايبك يارب
المشاركة الأصلية كتبت بواسطة العهود111 شكله حلو
تسلمين على هالوصفه
وعيدج مبارك
طلتك الاحلى حياتي يخليلي ياكي وينعاد عليكم بالخير والبركة