خبرتها الدكتورة ان الورم الليفي كبير وبعد الكيس على المبيض ومحتاجة ازلتهم باسرع وقت وانهم ممكن يكونون سبب في تأخر الحمل وممكن يسببون مشاكل اذا حملت بالمستقبل حتى لو عن طريق الاخصاب لان حجم الورم الليفي 7×7
مع العلم انها يوم راجعت مرتين عند دكتورتين كانو يقولون لها الكيس والورم مامنهم مشكلة حتى دكتورة الاشعة خبرتها ان الورم والكيس كبير
اختي خايفة شوي من العملية
خايفة ان الرحم ينجرح خلال عملية ازالة الورم الليفي من فوق الرحم ويصير نزيف ويحتاجون انهم يشيلون الرحم وتفقد الامل نهائيا في الحمل خاصة انها ماعندها اطفال
هل في وحدة جربت ازالة ورم ليفي من فوق الرحم ورجعت حمل ياريت تفيدونا
او تاخد مشروبات بارده اثناء الدوره او قبلها
لان دم الدوره تجمد بداخلها وتحول لكيس وهالكيس مانع الحمل !
عمومآ فديتج سمعت وايد سووها والحمدلله نجحت وياهم ، مب صعبه العمليه ع حد علمي
المهم والاهم ان الدكتوره تكون سمعتها حلوه وشاطره
وانصحج تلفين بالنت تقرأين عن العمليه اكثر
موفقه يارب والله يرزق اختج الذريه الصالحه يارب
هي ماعمرها ما خدت ادويه توقف الدوره الشهريه يمكن فعلا من المشروبات الباردة لاني قرأت هالكلام من فترة
المشكلة هي خاطرها تحمل وباسرع وقت تبي تتعالج اللي بتسوي لها العملية دكتورة من مركز فقيه وراح تكون العملية في مستشفى ثاني
انا تعالجت في مركز فقيه وكان عندي كيس مائي فالمبيض اليمين
وقالولي لازم نسحب الكيس وودوني بوظبي وهناك سووالوا العمليه
الحمدلله كانت سهله جدا ..كنت خايفة اكثر من اللازم 
بس مادري اختج هل بيسوولها سحب ولا جراحه ؟؟؟؟ تأكدي
والله يوفقها ويرزقها الذرية الصالحه
المشاركة الأصلية كتبت بواسطة شما الهاجري 
اختي راجعت دكتورتين مختلفتين وللاسف وحدة منهم تشتغل في عيادة مختصة بالنساء وسمعنا عن هالعيادة انها زينة وايد ويوم سالتها اختي هل الكيس او الورم الليفي يعيق الحمل قالتلها ابدا ووصفة لها كلوميد
خاصة ان شعرها قامت يتساقط بزيادة واكتشفنا بعدها ان الكيس على المبايض يسبب تساقط الشعر
هم الكيس مثل مايقولون مو واضح شو فيه وفعلا اختي راح تسوي لها العملية دكتورة من مركز فقية في احدى مستشفيات ابوظبي
لا اختي بيسوا لها عمليه قالت لها الدكتورة الكيس كبير ولازم عملية يوم سالتها اختي مايصير منظار قالت لا لشيء متعلق بحجمة
اختي ماسة ممكن اسم الدكتورة اللي سوت سحب للكيس