ولدي مايبى يأكل ؟؟؟؟؟؟؟؟

خواتي ولدي عمره 11 شهر ماياكل شيء بس حليب على فكرة ولدي كان ياكل رزمع خضار + ياكل بسكويت اذوبه حاولي 3 حبات مع بعض وياكل كنت اكله قدام اهلي وكان ماشاء الله ياكل
حاولي 3 وجبات في اليوم
الحين ابد ماياكل اخاف يوم يكبر ماياكل شيء ؟ جربت كل شيء مثل بطاط مسلوق مع مرق لحم مايبى يبكي امكن الطريقه اكله وهو مسدوح ع ضهر وامسك ايده؟

يمكن صابته عين نصيحه لاتاكلين ولدج جدام حد ولا تقولين ولدي ياكل واايد
بس حاولي تشترين له مصاصه وقربيه من حلجه واول ما يفتح فمه اكليه من الاكل اللي انتي سويته مثل السيريلاك ومن هالسوالف وان شاء الله بياكل

يحليلنا نحن الامهات والله انحاتي كل شي الاكل والشرب والرقاد والمرض والخ الخ الخ

واااااااايد الله يجزينا الجنه نحن الامهات انشا الله

انتي حالتج مثل حالتي انا ولدي الحين عمره ثلاث سنوات ونص الاكل ياكله بالغصب يمكن اذا ما اعطيه

يوم كامل اكل والله مايقول انا يوعان بس يالله هذا المكتوب علينا انتي اختي حاولي وياه بكل الطرق

سيري وديه عند الدكتور يكشف على حلجه يمكن تكون بلاعيمه ملتهبه والا فيه تسنين املعوزنه

وانشا الله انج اتلاقين حل لمشكلتج لانها فعلا مشكله عوييييييييييييصه وبعدين اختي حاولي اتقللين من كمية الحليب ترا الحليب الروحه وجبه دسمه فانتي يمكن اتكثرين كم الحليب علشان جيه الولد ما يبا ياكل شي

والله يكون في عونا نحن الامهات

مشكوريين وماقصرتوا خواتي عالمرور وجزاكم الله خير
ولدي فيه سنان تحت2وفوق تهو طالعين 2
امكن السبب الاسنان مادري ان شاء الله خير

الغاليه يمكن ولدج يعاني من ألام الاسنان تراه اغلب الاطفال اذا يسننون ما ياكلون.. وممكن بعد عين والله العالم بس لا تأكلينه جدام الناس بعد العين حق .. وحاولي تعطينه شوربه وعصاير وكثري من السوائل وعطيه عيش وروب يمكن يتقبله..

أختي شي طبيعي اتيي فترات للأطفال ما ياكلون بس انتي حاولي اتغيرين له الأكل اللي تعطينه يمكن ما يباه حاولي تعطينه أشياء يديده و اكليه وياكم عالطاوله حطيه على كرسي الأكل مال الاطفال بيشوفكم تاكلون و بياكل انشاء الله